Xəbər verdiyimiz kimi, "Əlil Sahibkarlar Təşkilatı” İctimai Birliyinin, Azərbaycan-İsrail Beynəlxalq Tibb Mərkəzinin və Azərbaycan Respublikası Beynəlxalq Diaspora Mərkəzinin (BDM) rəsmi dəvəti ilə 26 Oktyabr 2015-ci tarixdə İsrail dövlətinn rəsmiləri-İsrail Beynəlxalq Təhlükəsizlik Cəmiyyətinin və İsrail "Sefadi” adına Beynəlxalq Diplomatiya Akademiyasının sədri cənab Mendi Safadi və "Hərbi Əlillərin Qeyri-Yəhudi Sektoru"nun sədri cənab Masalha Samirin Azərbaycana rəsmi səfəri nəzərdə tutulub.

Azərbaycan-İsrail Beynəlxalq Tibb Mərkəzinin rəhbəri, sülhməramlı səfir, Aleksander Şapiro Suliman  bildirib ki, dəvət olunan İsrailli ekspertlər artıq 2 gündür ki, Bakıdadır.

Daha sonra o deyib:" Əvvəlcədən söylədiyim kimi, İsrailli ekspertlərin Azərbaycana səfəri boyu kütləvi informasiya vasitələrinə səfərin mahiyyəti və görülən işlər barəsində açıqlamalar verilməsi məqsədi ilə press konfransın keçirilməsi nəzərdə tutulmuşdur. Və artıq qərar qəbul olunub ki, 30 oktyabr 2015-il saat 14 00-da BMM-də "Avropanın Azərbaycana ikili standartı İsrailli ekspertlərinin gözü ilə" mövzusunda geniş konfrans düzənlənsin. 

Niyə məhz bu mövzuda, sualına gəldikdə isə, o bildirdi ki: "Son illər Azərbaycan Respublikasında mövcud olan iqtisadi stabillik və inkişaf tempi bədxah xarici qüvvələr tərəfindən bir mənalı qarşılanmır. Bu qüvvələrin əlaltıları olan bəzi beynəlxalq təşkilatların vasitəsi ilə Azərbaycana qarşi ikili standart siyasəti aparılır və qərəzli bəyanatlarla çıxış edirək, qazanılan uğurların üzərinə kölgə salmağa çalışırlar. Avropanın Azərbaycana qarşı ikili standart siyasəti yolverilməzdir.
Azərbaycan dövlətinin əldə etdiyi uğur və nailiyyətlərinə bu kimi neqativ yanaşmalar, Azərbaycan xalqının və dövlətinin daim yanında olan dost İsrailin ciddi narazılığlarına səbəb olmuşdur" deyə Aleksander Şapiro Suliman vurğuladı.

Qeyd edək ki, "Avropanın Azərbaycana ikili standart siyasəti İsrailli ekspertlərinin gözü ilə" mövzusunda keçiriləcək geniş konfransda, İsrail Beynəlxalq Təhlükəsizlik Cəmiyyətinin və İsrail "Safadi” adına Beynəlxalq Diplomatiya Akademiyasının sədri cənab Safadi Mendi (İsrail), Beynəlxalq Diplomatiya Akademiyasının MDB ölkəri urzə diplomatı, sülhməramlı səfir Aleksander Şapiro Suliman (İsrail),"Hərbi Əlillərin Qeyri-Yəhudi Sektoru"nun sədri cənab Masalha Samir (İsrail), Beynəlxalq Diaspora Mərkəzinin (BDM) rəhbəri, 60 saylı Neftçala-Salyan dairəsindən millət vəkilliyinə namizəd İsmayıl Ağayev(Azərbaycan), Beynəlxalq İnsan Hüquqları Komitəsinin (CIPDH) inspektoru, ekspert Firdovsi Ələkbərov (Fransa), "Əlil Sahibkarlar Təşkilatı” İctimai Birliyinin sədri Mirzə Məmməd-Vəliyev(Azərbaycan), "Qafqaz Tarixi Mərkəzi" İctimai Birliyinin sədri Rizvan Hüseynov(Azərbaycan), Əsassız Erməni İddiaları ilə Mübarizə Dərnəyinin sədri Göksel Gülbey(Türkiyə), "Gürcüstan-Azərbaycan Dostluq Evi" İctimai İttifaqının vitse-prezidenti Griqori İvanelaşvili (Gürcüstan), BDM-nin Rusiya üzrə nümayəndəsi Natiq Bədəlov (Rusiya-Tatarıstan) və digər nümayəndələrin iştirakı,"Safadi" adına Beynəlxalq Diplomatiya Akademiyasının Bakı şəhərində Qafqaz üzrə nümayəndəliyinin açılışı və tədbirdə BƏYANAT verilməsi nəzərdə tutulur. 

Konfransın aparıcısı BDM-nin rəhbəri İsmayıl Ağayev olacaq.

Konfransda aşağıdakı mövzulara müraciət olunacaq: 

1. Azərbaycan həqiqətləri (Qarabağ savaşı, qaçqın və məcburi köçkünlər) və Dünya ictimaiyəti. 
Çıxışçı: Safadi Mendi; Rizvan Hüseynov; Natiq Bədəlov

2. Azərbaycanın uguruna sevinən dövlətlər. 
Çıxışçı: Aleksander Şapiro Suliman

3. Əlilliyi olan insanlar üçün yeni iş yerlərinin yaradilması haqda müzakirələr. "Əlil Sahibkarlar Təşkilatı” İctimai Birliyi ilə "Hərbi Əlillərin Qeyri-Yəhudi Sektoru" arasında memarandomun imzalanması və birgə lahiyələr müzakirəsi.
Çıxışçı: Samir Masalha; Mirzə Məmməd-Vəliyev

4. "Əlil Sahibkarlar Təşkilatı” İctimai Birliyinin nəzdində mütərəqqi standartlara cavab verən reabilitasiya mərkəzinin yaradılmasi ilə bağli təklif araşdırılacaq.
Çıxışçı: Aleksander Şapiro Suliman; Samir Masalha; Mirzə Məmməd-Vəliyev

5. Azərbaycanın diasporu va beynəlxalq aləm. 
Çıxışçı: İsmayıl Ağayev; Göksel Gülbey; Griqori İvanelaşvili

6. Avropa və insan haqları.
Çıxışçı: Firdovsi Ələkbərov


Konfrans 30 oktyabr 2015-il tarixində Bakı Mətbuat Mərkəsində (BMM) keçiriləcək

Media nümayəndələri, TV və İnformasiya ağentlikləri qeyd olunan tədbirə dəvətlidir.

Konfransın informasiya dəstəyi: www.Piar.Az internet portalıdır.