Xeberle.com-un məlumatına görə, bu gün Sumqayıt şəhər İcra Hakimiyyətinin Başçısı Zakir Fərəcov "Safadi” adına Beynəlxalq Diplomatiya Akademiyasının Bakıda Qafqaz nümayəndəliyinin açılışı münasibətilə təşkil olunacaq "Avropanın Azərbaycana ikili standart siyasəti İsrailli ekspertlərin gözü ilə” mövzusuna həsr edilmiş konfransın iştirakçıları ilə görüşüb. Görüşdə İsrail Beynəlxalq Təhlükəsizlik Cəmiyyətinin və "Safadi” adına İsrail Beynəlxalq Diplomatiya Akademiyasının sədri Safadi Mendi, Beynəlxalq Diplomatiya Akademiyasının MDB ölkələri üzrə eksperti, sülhməramlı səfiri Aleksander Şapiro Suliman, "Hərbi Əlillərin Qeyri-Yəhudi Sektorunun” sədri Samir Masalha, Beynəlxalaq Diaspora Mərkəzinin sədri İsmayıl Ağayev, "Əlil Sahibkarlar Təşkilatı” İctimai Birliyinin sədri Mirzə Məmmədvəliyev və ictimai birliyin Sumqayıt şəhər təşkilatının sədri Mədaxil Cavadlı iştirak edib. Tərəflər arasında keçirilən görüşdə bildirilib ki, Azərbaycan və İsrail arasında çox gözəl münasibətlər mövcuddur və bu münasibətlər bir çox sahələri əhatə edir. Qeyd olunub ki, ölkələr arasında ikitərəfli əlaqələrin daha da genişləndirilməsi istiqamətində səylər göstərilir. İsti və dostluq münasibətlərinin davamı olaraq gələcəkdə dostluq əlaqələrini daha da dərinləşdirə biləcək miqyaslı layihələr müzakirə olunub. Sumqayıtda, "ƏST"İB - nin balansında inşası nəzərdə tutulmiş müasir tələblərə cavab verəcək və mütərəqqi İsrail tibbi nailiyyətlərini vətəndaşlarımızın xidmətinə verəcək REABİLİTASİYA MƏRKƏZİ barədə də söhbət açılıb.

Sonda Sumqayıt şəhər İcra Hakimiyyətinin Başçısı Zakir Fərəcov nişanla təltif edilib. "Hərbi Əlillərin Qeyri-Yəhudi Sektorunun” sədri Samir Masalha icra başçısını rəhbərlik etdiyi sektorun döş nişanına layiq görüb

Xeberle.com