Belçika hakimiyyəti bir sıra məscidlərin bağlanması variantını nəzərdən keçirir.
AzVision.az Rusiya KİV-nə istinadən xəbər verir ki, bu barədə Belçikanın Baş naziri Şarl Mişel jurnalistlərə açıqlamasında bildirib.
Baş nazirin sözlərinə görə, məscidlərin bağlanmasında məqsəd radikal dindarların gənclərə təsirinin qarşısını almaqdır: "Brüsselin bəzi rayonlarında Parisdəki terror aktlarının hazırlığı aparılıb. Terrorçu intiharçılardan ikisi Brüsselin mərkəzi kommunasında yaşayıb”.
Qeyd edək ki, noyabrın 13-də Parisdə baş vermiş bir neçə terror aktı nəticəsində 132 nəfər həlak olub.
Xəbərdən istifadə edərkən istinad etmək vacibdir.
