Cəbrayıl rayonundan məcburi köçkün Qafarov Ədalət İzzət oğlu işğal zamanı dağıdılmış evinə görə , ailəsinə vurulmuş maddi və mənəvi ziyana görə Ermənistandan 20 milyon dollar tzminat tələb edib.
Məcburi köçkünün tələbini olduğu kimi təqdim edirik:
"Mən Cəbrayıl rayonunun Hovuslu kəndində anadan olmuşam. Bütün Cəbrayıl rayonunun kəndlərini və vətənim Azərbaycanın bütövlüyünü özümə doğma bilirəm və bu amal uğrunda çalışıram.
Şəkildə gördüyünüz ev mənim Atam İzzətin, mərhum Anam Zeynəbin, bacı-qardaşlarımın, yaxın qohum-qonşuların hər birinin əllərinin zəhməti ilə tikilərək şəkildəki formada istifadəmizə verilmişdi. 23 avqust 1993-cü il tarixdən işğalçı Ermənistan tərəfindən dağıdılaraq digər şəkildəki formasını almışdır. Bu gün mənim doğma evimin, rayonumuzun, Azərbaycan torpaqlarının işğal altında qalması bir Azərbaycanlı Hüquqşünas kimi məni çox narahat edir. Hətta hər cürə əzab-əziyyətə qatlaşaraq zəhmətimiz ilə tikdiyimiz evimiz və işğal altında qalmış kəndimiz, gəzdiyim Qarabağ, Zəngəzur torpaqları yuxuma girir. Həmin torpaqların müdafiəsi uğrunda gedən döyüşlərdə uyuyan Şəhidlərimizin, kənd qəbirsanlıqlarında uyuyanlarımızın erməni işğalçılarının ayaqları altında qalmasını, dinc sakinlərimizin ermənilər tərəfindən girov götürürülməsini Azərbaycanlı Hüquqşünas kimi özümə bağışlaya bilmirəm. Azərbaycanımızın 20% torpaqlarının ermənilər tərəfindən işğal olunmuş rayonlarında tək bizim ailəmizə bu qədər maddi və mənəvi ziyanlar vurulmuşdursa diğər ailələrə, kəndlərə rayonlara, ermənistandan qaçqın düşmüş azərbaycanlılara nə qədər ziyanların vurmasının şahidləri də ola bilərik.
Belə olan halda bizim Beynəlxalq hüquq səviyyəsində işğalçı Ermənistan tərəfindən öz ata-baba yurdlarından Qaçqın düşən və və Azərbaycanımızın 20% işğal olunmuş torpaqlarından Məcburi Köçkün düşmüş ailələrə nə qədər maddi və mənəvi ziyan vurmalarını tələb etmək hüququmuz vardır.
Deməli işğalçı Ermənistan tək bizim ailəmizə 23 avqust 1993-cü ildən bu günkü tarixədək 20 milyon dollardan çox maddi və mənəvi ziyanlar vurmuşdur ki, mən həmin ziyanın ödənilməsi ilə əlaqədar məcbur olub Beynəlxal Ölkələr qarşısında şikayət (iddia tələbi) ilə əlaqədar müraciət etməli oldum.
Odur ki, yuxarıda qeyd etdiklərimi, Beynəlxalq Hüquq normalarını nəzərə alıb İşğalçı ermənistandan 20 milyon dollar dəyərində Ailəmizə dəyən maddi və mənəvi ziyanı tələb etməklə yanaşı işğal altında qalmış torpaqlarımızın azad olunmasını bir Azərbaycan Respublikası vətəndaşı olaraq tələb edirəm.
Azərbaycan Respublikası Milli Məclisinə V çağırış 42 saylı Sumqayıt ikinci seçki dairəsindən deputatlığa sabiq namizəd, hüquqşünas Qafarov Ədalət İzzət oğlu" (moderator.az)
Həmin evin işğaldan əvvəlki və sonrakı görünüşünü təqdim edir:
Xəbərdən istifadə edərkən istinad etmək vacibdir.
