Rəsmi Vaşinqtonun İrana qarşı tətbiq olunan sanksiyaları ləğv etməyə hazırlandığı bir vaxtda Tehran rəhbərliyi ABŞ-ın 227 məhsulun idxalına qadağa qoydu.
Tasnim xəbər agentliyinin verdiyi məlumata görə İranın Ticarət Nazirliyi müdafiə avadanlığı başda olmaqla saqqız, siqaret, CD, DVD, çay və ofis lavazimatı da daxil olmaqla 227 məhsulun idxalına qadağa qoyub.
Qərarın İranın dini lideri Əli Xamneyinin ABŞ məhsullarının idxalının qadağan edilməsi təlimatından sonra qəbul olunduğu bildirilir.
Amma buna baxmayaraq ABŞ məhsulları uzun illərdir gizli kanallar vasitəsilə İran bazarına girə bilir. Bunun ən böyük iki nümunəsi kimi isə Koca-Kola və Pepsini göndərmək olar.
İran ilə 5 + 1 ölkələri arasında imzalanan yekun nüvə razılaşmasından sonra ABŞ və Avropa Birliyi başda olmaqla Qərb ölkələri Tehrana qarşı tətbiq olunan sanksiyaları ləğv etmək qərarı qəbul etmişdi. (Avropa.info)
Xəbərdən istifadə edərkən istinad etmək vacibdir.
