Xəbər verdiyimiz kimi, ötən il Türkiyənin İzmir şəhərində fəaliyyət göstərən Azərbaycan Qardaşlıq və İşbirliyi Dərnəyinin başqanı Asif Qurban və dərnəyin idarə heyəti üzvləri Türkiyə Böyük Millət Məclisini ziyarət edib, Xocalı soyqırımının tanınması ilə bağlı təklif məktubu vermişdilər.

Asif Qurbanın mətbuta verdiyi məlumata görə, ötən gün TBMM-in məktublar Komissiyasından onlara cavab gəlib. Cavabda Azərbaycan Qardaşlıq və İşbirliyi Dərnəyinin təklifinin hörmətlə qarşılandığı, sadəcə məclisin daxili nizmanaməsinə görə yalnız millət vəkilləri tərəfındən müzakirə olunduğu bildirilib. Dolayısı ilə məktubda irəli sürülən tələbin komissiya tərəfindən yerinə yetirilməsinin hələlik mümkünsüz olduğu qeyd edilib.

''Bizə verilən cavabı hörmətlə qarşıladıq. Təbii ki, Məclisin daxli nizmanaməsinə müdaxlə edə bilmərik. Belə bir düşüncəmiz də yoxdur. Amma Türkiyədə gözəl bir söz var. ''Demokratiyada çare tükenmez''. Türkiyə Cumhuriyyəti Demokratik bir ölkədir. Çarələrin tükənmədiyi bir yerdə yaşayırıq. Odur ki, gecikmədən AKP, CHP və MHP-dən olan millət vəkilləri ilə görüşməyi planlaşdırırıq. Görüşəcəyimiz millət vəkillərinin Xocalı soyqımına dair irəli sürdüyümüz təklifi Türkiyə Böyük Millət Məclisdə qaldıracaqlarına əminik. Biz iki dövlət - bir millətik! Azərbaycanın dərdi Türkiyənin, Türkiyənin dərdi Azərbaycanın dərdidir. Artıq bunu təkrarlamağa da gərək yoxdur. AK Parti Adana Millət vəkili, TBMM Türkiyə - Azerbaycan Dostluq Qrupu Başqanı Prof. Dr. Necdet Ünüvarın 20 yanvar hadisələriylə ilgili ortaya qoyduğu təpki bunu bariz nümunəsidir'', - deyə Asif Qurban bildirib.

Elçin Abdullayev

Türkiyə, İzmir
Xeberle.com