Brüssel iki il öncə Krımın Rusiyaya birləşdirilməsini qınayıb və BMT-nin üzv ölkələrini Rusiyaya dair Aİ sanksiyalarına analoji sanksiyaların tətbiqetmə imkanını nəzərdən keçirməyə çağırıb.
Bu barədə RİA Novosti məlumat yayıb.
"Avropa İttifaqı tanımamaq üzrə siyasətini, məhdudiyyət tədbirləri vasitələrindən də istifadə olunmaqla, həyata keçirməkdə davam edəcək”, - deyə Aİ xarici siyasət xidmətinin saytında Federika Moqerini və Avropa İttifaqına üzv 28 ölkənin xarici işlər nazirlərinin adından dərc edilmiş sənəddə qeyd edilir.
Brüsselin bəyanatında BMT-nin üzv ölkələrini qurumun Baş Assambleyasının №68/262 qətnaməsinə müvafiq olaraq analoji tədbirləri nəzərdən keçirməyə çağırıb.
Avropa İttifaqı əvvəlki kimi Krımın Rusiyanın tərkibinə daxil olmasını "beynəlxalq hüququn pozulması” və "beynəlxalq təhlükəsizliyə birbaşa təhlükə” hesab edir.(Virtualaz.org )
Xəbərdən istifadə edərkən istinad etmək vacibdir.
