Fransanın tanınmış siyasi xadimləri Prezident Fransua Ollanda müraciət ediblər.

Bu barədə  Azərbaycanın Fransadakı səfirliyindən məlumat verilib.

Muraciət bildirilir ki, aprelin 2-də Ermənistanın Dağlıq Qarabağda təmas xətti boyunca ağır silahlardan intensiv atəş açaraq atəşkəsi pozub, mülki əhali ərasında çoxlu sayda yaralılar və digər qurbanlar olub.

Sənəddə qeyd olunur k, görünməmiş zorakılıqların nəticəsi olaraq Azərbaycan hökuməti özünün beynəlxalq səviyyədə tanınmış sərhədləri boyunca yerləşmiş mülki əhalinin təhlükəsizliyini təmin etmək, mülki əhalini qurbana çevirən provokasiyaları dayandırmaq və yeni aqressiyanın qarşısını almaq məqsədi ilə zəruri tədbirlər həyata keçirib.

Müraciət müəllifləri qeyd ediblər ki, bu faciəvi duruma son qoymaq üçün Azərbaycan aprelin 3-dən etibarən birtərəfli şəkildə atəşkəsə qərar vermiş və bununla da bu münaqişənin sülh yolu ilə həll olunması tərəfdarı olduğunu bir daha nümayiş etdirib: "Aprelin 5-də Ermənistan da buna əməl edib. Günahsız qurbanlara səbəb olan bu yeni qanlı qarşıdurmadan sonra beynəlxalq ictimaiyyət, xüsusilə də Minsk Qrupu dərk etməlidir ki, kvo-statusun saxlanması daha mümkün deyil. Bu münaqişənin həllində ədalətli və möhkəm sülhə nail olunması üçün bizim xarici siyasətimizin daimi xətti olaraq sizin etdiyiniz cəhdlərdən xəbərdarıq. Məhz, buna görə də cənab Prezident biz Sizə müraciət edirik".

Daha sonra müraciətdə bildirilir: "Bildiyniz kimi münaqişənin həllinin fundamental əsası Birləşmiş Millətlər Təşkilatının Təhlükəsizlik Şurasının 822 (1993), 853 (1993), 874 (1993) və 884 (1993) saylı qətnamələri ilə və həmçinin BMT-nin Baş Assambleyasının 62/243 (2008) qətnaməsi ilə müəyyənləşdirilib. Amma təəssüflər olsun ki, Ermənistan Respublikasının bu qətnamələrə əməl etməməsi səbəbindən onlar kağış üzərində qalmaqdadır.

Odur ki, Ermənistan ordusunun Azərbaycanın işğal olunmuş ərazilərində qanunsuz olaraq mövcudluğu münaqişənin eskalasiyasının əsas səbəbi və regionda sülh və stabillik üçün təhlükəli təhdid olaraq qalmaqdadır. Hələ üstəlik də işğal olunmuş ərazilərin demoqrafik, mədəni və fiziki xüsusiyyətlərinin radikal dəyişikliyi və bu regionun anneksiyasını nəzərdə tutan erməni köçkünlərinin transferi də bura əlavə olunur...

Beləliklə də beynəlxalq ictimaiyyət, xüsusilə də ATƏT-in Minsk Qrupuna həmsədrlik edən Dövlətlər mütləq və təcili şəkildə ən qısa zamanda davamlı atəşkəsi qəbul etdirməli və BMT qətnamələrinin tələblərinə əməl olunmasına nail olmalıdırlar. Yalnız beynəlxalq hüquqa əməl eidlməsi yolu ilə dünyanın bu bölgəsində sülhü və ədaləti bərpa etmək olar. Biz ümid edirik ki, cənab Prezident, Fransa adından məsələnin bu cür ədalətli həlli üçün ürəkdən çalışaraq əlinizdən gələni edəcəksiniz və sonda şəxsinizə olan yüksək ehtiramımızı qəbul etməyinizi rica edirik".

Müraciət fransalı deputat Jan-Fransua Mansel, senator Jerome Biqnön və Avropa Parlamentinin deputatı Raşida Dati tərəfindən imzalanıb.(Modern.az)