Sosial şəbəklərdə 1992-94-cü illərdə Qarabağda erməni tərəfindən döyüşən rus xususi xidmətinin əsgəri Kirill Vityutnevin etirafı yayılıb. O söyləyib ki, ermənilər çox qorxurdular, arxamızda gizlənirdilər: "Bilmirəm, ermənilər özlərinin hansı mərdliyindən danışırlar?! Bizimkilər tez tez erməni tərəfindən döyüşürdü. Uzaqdan Azərbaycan əsgərini görəndə silahı atıb qaçırdılar. Bizim hesabımıza uğur qazanandan sonra da rusları - "xristian-qardaşları"nı unutdular. Guya ki, hər şeyi özləri - təkbaşına əldə ediblər. Xidməti başa vurub doğma şəhərim Stavropola qayıdanda eşitdim ki, biz onlar tərəfdən Qarabağda döyüşən zaman ermənilər şəhərimizdə kişi kişi gəzərək "Böyük Ermənistan" və "Qüdrətli erməni xalqı" barədə boğazdan yuxarı danışırlarmış. Qorxaqdırlar vəssalam! Elə 1994-cü ildə də Ermənistan Rusiyanın dəstəyi ilə Ermənistan oldu. Rusiya olmasaydı, Qarabağ da ermənilərin nəzarətinə keçməyəcəkdi", - deyə o fikrini tamamlayıb.