Bu sözləri Qaynarinfo.az-a açıqlamasında hərbi ekspert Üzeyir Cəfərov Türkiyə Jandarma Qüvvələrinin komandanı Qalib Mendinin Azərbaycana səfərinə və son günlər Rusiyanın işğalçı Ermənistanı silahlandırmasına münasibət bildirərkən deyib.

Üzeyir Cəfərov bildirib ki, Türkiyə ordu komandanının Azərbaycana səfərinin son günlər cəbhədə baş verən hadisələrlə heç bir əlaqəsi yoxdur: "Planlaşdırılmış rəsmi səfərdir. İstənilən halda türk generallarının Azərbaycana səfəri hər dəfə yaddaşlarda qalır. Əvvəla onların Azərbaycana verdiyi dəstək, önəm hər zaman silahlı qüvvələrimizdə hiss olunub. İstər Müdafiyə Nazirliyi olsun, istərsə də Daxili Qoşunlar və s. bütün güc strukturlarında biz onu hiss etmişik. Səfərin əhəmiyyəti ondan ibarətdir ki, iki ölkə arasındakı əlaqələr bundan sonra bir qədər də genişlənəcək. Bir daha vurğulayım ki, səfərin son günlər cəbhə xəttində baş verən hadisələrlə heç bir əlaqəsi yoxdur. 

Jandarma qüvvələrinin komandanının Azərbaycana gəlişi həm tanışlıq xarakteri daşıyır, həm də birgə planların həyata keçrilməsi istiqamətində işləri yoluna qoymaqdır. Daxili Qoşunlar və Daxili Qoşunların hərbi məktəbində, gənc zabitlər kursunun təkmilləşdirilməsində öz tövhəsini verəcək. O cümlədən Müdafiə Nazirliyinin nümayəndələrinin Türkiyədə təcrübə keçməsi üçün əhəmiyyətlidir. Türk ordu generalının Azərbaycana səfəri çox yüksək qiymətləndirilir. 2016-2017-ci ildə bu sahədə qarşılıqlı əlaqələr daha da yaxşılaşacaq". 

Üzeyir Cəfərov vurğulayıb ki, Rusiya Ermənistanı nə qədər silahlandırsa da, düşəm ölkə orduau Azərbaycanla müqayisə oluna bilməz: "Azərbaycanın maliyyə imkanları daha genişdir. Ermənistanın bu səviyəyə gəlib çatması üçün illər lazımdır. Nə qədər çalışsalar da, Azərbaycanın səviyəsinə çatmaq onlar üçün əlçatmaz zirvə olacaq. Azərbaycanın balansında olan silahlar yetərincədir ki, biz istənilən tapşırığı yerinə yetirək".