Professordan 4-cü referendum sorğusu
və referenduma çağırış..
Ekspert qrupumuz Sumqayıt şəhərindəki
mərkəzi bazarda və yarmarkada kənd təsərrüfatı məhsulları satan insanlar və
alıcılar arasında referendumla bağlı
sorğu keçirdi.
Sorğuda 750 nəfər respondent iştirak
etdi. Bunlardan 314 nəfəri satıcı, 436 nəfəri alıcı idi.
Respondentlərə aşağıdakı suallarla
müraciət etdik:
1.Sentyabrın 26-da Respublikamızda
keçiriləcək dövləti əhəmiyyətli tədbirin adı nədir?
2. Referenduma gələcəksinizmi?
Rəyi
soruşulan satıcı respondentlərin 97%-i respublikamızda referendum keçiriləcəyini,
3%-i isə 26 sentyabrda hər hansı mühüm dövlət tədbiri keçiriləcəyi haqqında məlumatları
olmadığını dedilər.
Alıcı
respondentlərin 98%-i respublikamızda referendum keçiriləcəyini, 2%-i isə 26
sentyabrda hər hansı mühüm dövlət tədbiri keçiriləcəyi haqqında məlumatları
olmadığını dedilər.
Satıcı
respondentlərin 85%-i referenduma gələcəklərini, 11%-i referendumda iştirak etməyəcəklərini,
4%-i isə fikirləşərəm deyə cavab verdilər.
Alıcı
respondentlərin 81%-i referenduma gələcəklərini, 13 faizi referendumda iştirak
etməyəcəklərini, 6%-i isə fikirləşərəm deyə cavab verdilər.
Rəyi
soruşulan respondentlər maraqlı fikirlər söylədilər.
-Biz
Prezidentimizin iradəsinə qarşı getmərik.
-Prezidentimiz
deyibsə ki, referendum olmalıdı, deməli olmalıdı.
-İlham
Əliyev bilən məsləhətdi.
-Allah
Prezidentimizin canını sağ eləsin. O, nə desə biz razıyıq.
-İlham
Əliyevin getdiyi yola hə deyirik...
-Xahiş
edirik Prezidentimizə çatdırın ki, biz
onun xətrini çox istəyirik.
-Arzu
edirik Prezidentimiz tezliklə Qarabağı alsın.
-Xahiş
edirik Prezidentimizə deyin pensiyalarımızı, əməkhaqqlarımızı artırsın.
Sorğuların sonunda ekspert qrupumuzun üzvləri rəyi soruşulan
respondentlərin hamısını referenduma gəlməyə çağırırdılar, referendumda iştirak
etməyin vacib olduğunu deyirdilər, sonra
onlarla şəkil çəkdirib, xudahafizləşirdilər.
Müstəqil Ekspert qrupunun rəhbəri
Prof.Dr. Qüdrət İsaqov
Xəbərdən istifadə edərkən istinad etmək vacibdir.
