Türkiyədə prezidentin andiçmə mətni dəyişdirilir.
Xəbərə görə, bu barədə Türkiyə KİV-i məlumat yayıb.
Hakim Ədalət və İnkişaf Partiyasının (AKP) təqdim etdiyi Konstitusiyaya dəyişikliklərə dair paketdə prezidentin andiçmə mətni bu cür təklif edilir:
"İnsan haqlarına, hüququn üstünlüyünə və demokratiyaya bağlı qalacağıma, dövlətin müstəqilliyini, ölkənin bütövlüyünü, millətin qeyd şərtsiz suverenliyini qoruyacağıma and içirəm”.
Prezidentin andiçmə mətninin dəyişdirilməsinə əsas səbəb kimi andiçmə mətninin uzun olması, habelə Baş Nazirlik və Nazirlər Kabinetinin ləğv edilməsi göstərilir.
Mətn qısaldılaraq, anlaşılan və düzgün bir formaya salınacaq. Təklif olunan dəyişikliyə görə, Baş Nazirlik və Nazirlər Kabineti ilə bağlı 8 maddə öz funksiyasını itirəcək.(Modern.az)

Xəbərdən istifadə edərkən istinad etmək vacibdir.