ABŞ-da Prezident hakimiyyətinin təhvil-təslim edilməsi kifayət dərəcədə baha başa gəlir.
Washington Post bildirir ki, ilkin dəyərləndirməyə görə 20 yanvar 2017-ci ildə Donald Trampın prezident andiçmə mərasimininə çəkiləcək xərc 175 milyondan 200 milyon dollara qədər təşkil edəcək.
Bu məbləğə rəsmi axşam tədbirləri, naharlar, konsert, Kapitolidə andiçmə, parad, inaqurasiya balı, tədbirlərin təhlükəsizliyini təmin edən polis və hərbiçilərin xərcləri daxildir.
Bu məbləğin 70 milyonunu şəxsi donorlar, qalan hissə büdcədən ödəniləcək. Bu mərasim 4 ildən bir keçirilir və hər dəfə də tənqidçilər bu mərasimin baha başa gəldiyindən gileylənirlər.
Məbləğ iki hissəyə bölünür: bir hissəsini Prezident inaqurasiya komitəsi, digərini vergiödəyiciləri qarşılayır. Lobbiçilərdən heç nə qəbul olunmur. Şəxsi adamlardan pul almağın məhdudiyyəti olmur, bir şərtlə ki, 200 min dollardan artıq verən şəxsin adı mütləq cəmiyyət üçün açıqlanmalıdır və bu vəzifə Federal seçki komissiyasına tapşırılır ki, inaqurasiyadan sonra 90 gün ərzində məlumat versin. İstifadə olumayan vəsait xeyirxah işlərə sərf olunur.
Böyük xərclər çəkilsə də , inaqurasiya həm də gəlir mənbəyidir.bu mərasimi izləmək, şahid olmaq istəyən çoxsaylı turistlər Vaşinqtona axın edirlər.(Moderator.az)
Xəbərdən istifadə edərkən istinad etmək vacibdir.
