Bu gün Milli Şuranın növbəti sessiyası öz işinə başlayıb.

AzVision.az xəbər verir ki, qurumun iclasını onun sədri Cəmil Həsənli açıb. O bildirib ki, hazırda Milli Şuranın 91 nəfər üzvü qalıb:

“91 üzvdən həbsdə olan üzvlərin sayı 6 nəfərdir. Xaricdə olanların sayı 8 nəfərdir. Cəmi 14 nəfər obyektiv səbəb ucbatından sessiyada iştirak etmir. Hazırda 59 nəfər Milli Şura üzvü hazırda sessiyada iştirak edir. Ona görə də bu, yetərsaydan kifayət qədər artıqdır. Milli Şuranın 3/2-si iştirak edir”. 

Daha sonra “EL” hərəkatının üzvü Eldəniz Quliyev təklif edib ki, Rüstəm İbrahimbəyovun fəxri sədrlik məsələsi müzakirə olunsun: “Onun sədrlikdə qalmasını təklif edirəm. Rüstəm ibrahimbəyov ona qarşı təzyiqlərə müdrik cavab verərək bu vəzifədən istefa vermişdi”. 

O həmçinin təklif edib ki, baş verən qarşıdurmaları da aradan qaldırmaq lazımdır. Bununla bağlı Milli Şuranı bu qarşıdurmalara reaksiya verməyə çağırıb. 

Mehriban Vəzir isə bu təklifi məqbul saymayıb və bildirib ki, bu məsələnin yenidən müzakirə olunmasına ehtiyac yoxdur: “Rüstəm İbrahimbəyov böyük adamdır. Onu oyun oyuncağa çevirmək lazım deyil. Təzədən bu məsələni qaldırmağa ehtiyac yoxdur. Ona görə də bu məsələni gündəliyə daxil olunmasına etiraz edirəm”. 

Təklifə Cəmil Həsənli də münasibət bildirib. O hesab edib ki, Rüstəm İbrahimbəyov fəxri sədrlikdən Milli Şuranın qərarı ilə deyil öz qərarı ilə çıxdığına görə bu məsələnin müzakirəsinə ehtiyac yoxdur:

“Eldəniz bəyin fikri və mülahizəsini yüksək qiymətləndirirəm. Mən Rüstəm bəylə dost olduğumu gizlətməmişəm. Mənim firkimcə Rüstəm bəyin müraciətini Milli Şuraya təqdim etməliyik. Təzədən liderik məsələsinə qayıtmağa lüzum görmürəm. Burada oturanlaırn hamısı öz sahəsində liderdir. Rüstəm bəylə bağlı səhv ya düz müəyyən qərarlar verilib. O, da kifayət qədər yetkin addımlar atılıb. Məncə yenidən liderlik vməsələsinə qayıtmayaaq. Amma Milli Şura hesab etsə, Milli Şura nə qərar qəbul etsə, onla razılaşacam”.

***
Milli Şuranın növbəti sessiyasi keçirilir. AzVision.az xəbər verir ki, Milli Şuranın sədri Cəmil Həsənli şuranın gələcək fəaliyyətini istiqamətləndirmək üçün orqan yaradılmasını təklif edib. O Milli Şuranın bütün məsuliyyətinin üzərinə götürə bilməyəcəyini deyib:

“Milli Şuranın fəaliyyətini istiqamətlləndirmək üçün orqan olmalıdır. Sədr olaraq Milli Şuranın bütün məsuliyyətini öz üzərimə götürmək mənim üçün çətindir. Milli Şuranın işini stimullaşdıracaq orqan olmalıdır. Onun adını nə formada istəsəniz müzakirələrlə müəyyənləşdirmək olar. Bu, Milli Şura üzvlərinin rəyindən asılı ola bilər. Mən mexanizmi belə təklif edirəm. Milli Şuraya daxil olan siyasi partiyaların qurumların hərəkasların rəhbərləri seçkiyə buraxılmadan Milli Şuranın rəhbər heyətində təmsil olunsun. Hər qurumdan bir nəfər olmaqla seçkiyə buraxılmadan onların təmsilçiliyini təsdiqləyək”.