Martın 14-də Azərbaycan Respublikasının Prezidenti İlham Əliyevin Parisdə rəsmi qarşılanma mərasimi olub.
Xeberle.com xəbər verir ki, Prezident İlham Əliyev Parisin Veteranlar meydanında yerləşən Ordu Muzeyinə gedib.
Dövlət başçısını Fransanın kənd təsərrüfatı naziri, hökumətin sözçüsü Stefan Lö Fol qarşılayıb.
Ordu Muzeyinin yerləşdiyi Veteranlar meydanında Prezident İlham Əliyevin şərəfinə fəxri qarovul dəstəsi düzülüb.
Azərbaycanın və Fransanın dövlət himnləri səslənib.
Prezident İlham Əliyev fəxri qarovul dəstəsinin qarşısından keçib.
Fəxri qarovul dəstəsinin rəisi dövlətimizin başçısına raport verib.
Fransanın kənd təsərrüfatı naziri, hökumətin sözçüsü Stefan Lö Fol Azərbaycan nümayəndə heyətinin üzvləri ilə görüşüb.
Xəbərdən istifadə edərkən istinad etmək vacibdir.
