Tramp rəhbərliyi bu dəfə də viza rejimini sərtləşdirməyə qərar verib.
Amerikanın xarici işlər naziri ReksTillerson ötən həftə bununla bağlı bütün səfirliklərə yazı göndərib. Yazıda viza rejimi ilə bağlı yoxlamaların sərtləşdirilməsi, təhlükəsizlik məsələləri öz əksini tapıb.
Hazırda viza almaq prosedurunun çətinləşməsi, müddətinin isə uzadılması gözlənilir.
Mövzu ilə bağlı Metbuat.az-a açıqlama verən siyasi ekspert Arzu Nağıyev bildirdi ki, bununla bağlı Azərbaycanda da müəyyən dəyişikliklər var:
"Cənab Tramp seçkiqabağı verdiyi vədlə əməllərinin üst-üstə düşməsinə çalışır. Baxmayaraq ki, bir sıra məsələlərdə üst-üstə düşməyib. Bunlardan biri də miqrant problemidir. Bir neçə dövlət (Ərəb dövlətləri, İran da daxil olmaqla müsəlman dövləti) terrordan qorunmaq və təhülkəsizlik məsələlərinin həlli ilə bağlı viza məsələsini sərtləşdirdi. Azərbaycanda da müəyyən dəyişikliklər var. Lakin Azərbaycan və Amerika arasında milli və dövlətin təhlükəsizliyinə təhdidin qarşısını alacaq ümumi proqram var. Bu proqrama uyğun olaraq, Azərbaycan heç vaxt terror təşkilatlarının hazırlandığı siyahıya daxil edilməyib və düşünürəm ki olmayacaq da. Bu istiqamətdə Azərbaycanla əməkdaşlıq davam etdirilir. Təbii ki, dünyada miqrant məsələlərinə olan təhülkəsizlik tədbirləri Azərbaycandan da yan keçməyəcək”.

Xəbərdən istifadə edərkən istinad etmək vacibdir.