“Dağlıq Qarabağ münaqişəsini Sumqayıt hadisələri ilə eyniləşdirmək yolverilməzdir. Sumqayıt hadisələrinin səbəbləri, mahiyyəti, faktları, ümumiyyətlə, reallıqları hamıya bəllidir. Sumqayıt hadisələrini Xocalı soyqırımı ilə eyniləşdirmək yenə də ikili standartlardan xəbər verir”. AZADİNFORM xəbər verir ki, bu sözləri Azərbaycanın xarici işlər nazirinin müavini Araz Əzimov ATƏT-in Minsk qrupunun amerikalı həmsədri Ceyms Uorlikin Sumqayıt hadisələri ilə bağlı sosial şəbəkələrdə paylaşdığı fikirlərə münasibət bildirərkən söyləyib.
A.Əzimov əlavə edib ki, ümumiyyətlə Xocalı faciəsi “Twitter” sosial şəbəkəsində müzakirə mövzusu deyildir: “C.Uorlik bu vəzifədə təzədir və münaqişə barədə həqiqətləri diqqətlə öyrənməli və bunu bəyanatlarında nəzərə almalıdır”.
A.Əzimov əlavə edib ki, ATƏT-in Minsk qrupunun həmsədrləri Ermənistan-Azərbaycan, Dağlıq Qarabağ münaqişəsi ilə bağlı fəaliyyətlərini nəzərdən keçirməlidirlər. Onlar münaqişənin həli ilə bağlı daha ciddi addımlar atmalıdırlar.
Xəbərdən istifadə edərkən istinad etmək vacibdir.
