Azərbaycan Xarici İşlər Nazirliyinin mətbuat xidmətinin rəhbəri Elman Abdullayev ATƏT-in Minsk qrupunun amerikalı həmsədri Ceyms Uarlikin Sumqayıtda 1988-ci ildə baş vermiş hadisəyə münasibətinə əks etdirən tvitinə cavab verib. 

AZADİNFORM  xəbər verir ki, həmsədr  “Twitter”də belə yazıb: “Biz Sumqayıtı da xatırlayırıq. Həm Ermənistan, həm də Azərbaycan tolerantlıq və sülhün inkişafına dəstək verməlidir”. 

Elman Abdullayev buna cavabında bildirib ki, Ceyms Uarlikə kitab göndərəcək: “Mən Sumqayıtla bağlı sizə yeni kitab göndərəcəm. Çoxlu yeni faktlar detallar sizi maraqlandıracaq. Araşdırmalar davam edir. Kitab “Sumqayıt 1988: cinayət və cəza” adlanır. Xocalıda cinayət törədənləri cəzalandırmaq haqqında necə? ABŞ həmsədri bu məsələni qaldıra bilərmi? O zaman həmsədrlərin ədalətli mövqeyi hiss olunacaq”.