Rusiya və Ermənistan prezidentləri Vladimir Putin və Serj Sarkisyan arasında telefon danışığı olub. 

ANS PRESS-in məlumatına görə, prezidentlər telefon danışığı zamanı Dağlıq Qarabağ münaqişəsinin nizamlanması prosesini və Ermənistanın Gömrük İttifaqına qoşulması ilə bağlı məsələləri müzakirə ediblər.

S.Sarkisyan bildirib ki, ATƏT-in Minsk Qrupunun həmsədrlərinin Dağlıq Qarabağ münaqişəsinin sülh yolu ilə nizamlanması istiqamətində birgə səy göstərilməlidir. Sarkisyan Ermənistanın münaqişənin nizamlanması üzrə ATƏT-in Minsk qrupu ilə birgə işləməyə davam etməyə hazır olduğunu deyib.

Prezidentlər Rusiya-Ermənistan arasındakı ikitərəfli münasibətləri, Krımdakı vəziyyəti və Ermənistanın Gömrük İttifaqına qoşulması məsələlərini müzakirə ediblər.

Qeyd edək ki, telefon danışığı S.Sarkisyanın təşəbbüsü ilə baş tutub.