Bu gün Milli Məclisin Əmək və sosial siyasət komitəsinin iclası keçirilib.
Xeberle.com Publika.az-a istinadən xəbər verir ki, iclasda Əmək Məcəlləsinə təklif edilən dəyişiklik layihəsi müzakirə olunub.
Dəyişiklik barədə komitə sədri Hadi Rəcəbli məlumat verib. Məcəlləyə təklif edilən dəyişikliyə görə, 65-ci maddəyə aşağıdakı məzmunda yeni hissə əlavə edilib:
"Əlavəyə görə, korrupsiya ilə əlaqədar hüquqpozmalarla bağlı məlumat verən işçi attestasiyadan keçirildikdə, idarə, müəssisə və ya təşkilatın korrupsiya ilə əlaqədar hüquqpozmalarla bağlı məlumatların verilməsi üçün müəyyən edilən müvafiq vəzifəli şəxsi və ya struktur bölməsinin nümayəndəsi attestasiya komissiyasının iclasında iştirak etməlidir”.
Hadı Rəcəbli qeyd edib ki, dəyişiklik layihəsi parlamentə prezidentin imzası ilə daxil olub.
Xəbərdən istifadə edərkən istinad etmək vacibdir.
