“Biz ümid edirik ki, Azərbaycan və Ermənistan prezidentləri bu ay görüşəcəklər”.
AzVision.az xəbər verir ki, bu barədə ATƏT-in Minsk qrupunun ABŞ-dan olan həmsədri Ceyms Uorlik öz "Twitter" səhifəsində yazıb.
Onun sözlərinə görə, görüş zamanı prezidentlər sülh prosesinin vacib məsələlərini müzakirə edəcəklər.
Qeyd edək ki, Azərbaycanın xarici işlər naziri Elmar Məmmədyarov ötən gün Parisdə ATƏT-in Minsk qrupunun həmsədrləri ilə görüş keçirib. Görüşdə Fransa, Rusiya və ABŞ-dan olan həmsədrlər Jak For, İqor Popov və Ceyms Uorlik, həmçinin ATƏT-in fəaliyyətdə olan sədrinin xüsusi nümayəndəsi Anjey Kaspşik iştirak edib.
Xəbərdən istifadə edərkən istinad etmək vacibdir.
