Türkiyənin aparıcı «Milliyyət» qəzetində Azərbaycan yazıçısı Varislə geniş müsahibə dərc edilib. Fərəhli haldır ki, «Ankarada ilk getdiyim yer Anıtkabir oldu» adlı müsahibə qəzetin manşet yazısı olaraq təqdim edilib. Müsahibəni yazıçımızdan «Milliyyət»in mədəniyyət müxbiri Dilan Özdemir götürüb. Müsahibədə Varisin Amerika və Rusiyada əldə etdiyi son uğurlarından, Türkiyədə populyarlıq qazanmış «Yetmiş yeddinci gün» və «Son məktub» romanlarından, dünya ədəbiyyatında gedən müasir proseslərdən bəhs edilib, eləcə də Türkiyə – Azərbaycan münasibətlərinə, toxunulub, yazıçımızın Ankara səfərinin təəssüratları yer alıb.