Ermənistanda olan bəzi hərbi texnikalar çoxdan köhnəlib və raketləri də artıq istismar müddətini başa vurub.
Bunu Milli.Az-a açıqlamasında ehtiyatda olan polkovnik Kamal Hüseynov Ermənistanın "OSA" zenit-raket kompleksindən istifadə etməsi, ondan buraxılan raketin heç bir hədəfə dəymədən boş əraziyə düşməsini şərh edərək bildirib.
Onun sözlərinə görə, Azərbaycanı daim hədələyən Ermənistan ordusunda vəziyyət, əslində, çox bərbaddır: "Erməni tərəfi hələ bir neçə il əvvəl bu modifikasiyadan olan raketlərin modernləşdirilməsinə cəhd göstərmişdi. Lakin sonradan özlərinin də etiraf etdiklərinə görə maliyyə problemləri ucbatından onlar bu planı həyata keçirə bilmədilər.
Məndə olan məlumata görə, raketin birinin boş əraziyə düşməsi bir tərəfə, peşəkarlıq və bacarıq səviyyələri "həmişə yüksək olan" erməni hərbçiləri digər raketlə öz pilotsuz uçuş aparatlarını da məhv ediblər".
Xəbərdən istifadə edərkən istinad etmək vacibdir.
