Məşhur moskvalı fotomüxbir Valeriya Şekoldina tərəfindən çəkilən bu fotoları mənə ümumilli lider Heydər Əliyevin 91 illiyi ərəfəsində onun haqqında çoxcildli ensiklopediyanın müəllifi Elmira Axundova təqdim edib. Mən ona bu fotolara görə çox minnətdaram. 

Bizim ağsaqqalımız Moskvadan elə də rahat şəraiti olmayan bacısının evində yaşadığı doğma Naxçıvana gəlmişdi. İki otaqda haradasa 8 nəfər yaşayırdı. Hələ bura daima elektrik və adi suyun belə fasilələr verilməsini də əlavə edin. 

Elə Heydər Əliyevin özü də o qədər də yaxşı görünmürdü. Xəstəlik və başqa stresslər təsir edirdi. Xatırladım ki, "yenidənqurmanın" atası adlandırılan Mixail Qorbaçov Heydər Əliyevin SSRİ Ali Sovetinin sədrinin müavini postunda daima artan nüfuzunu tezliklə aradan qaldırmaq haqqında qərar vermişdi. 

Əliyevin hakimiyyətdən tələsik uzaqlaşdırılmasının əsas səbəblərindən biri də məncə, Qorbaçovun başçılığı ilə SSRİ rəhbərliyinin ermənilərə Azərbaycan torpaqlarını işğal etməsinə köməklik etmək istəyi idi. 

Həqiqətəndə ağsaqqalımız gedən kimi ermənilər Moskvadan siqnal aldılar. "Zəhmli Əliyev artıq yoxdur. Başlayın!". Və onlar bu lənətə gəlmiş Qarabağ müharibəsini başladılar. Çox politoloqlar, o cümlədən rusiyalılar hesab edirlər ki, Heydər Əliyev hakimiyyətdə olsa idi heç vaxt Azərbaycan torpaqlarının işğalına imkan verməzdi. 

Daha sonra qara 20 yanvar oldu. Məhz bundan sonra H.Əliyev bütün dünyaya elan etdi ki, azərbaycanlılara qarşı qanlı qırğında şəxsən Mixail Qorbaçov günahkardır. 

24 il qabaq mənə bu müdrik insanla müxtəlif mövzularda söhbət etmək imkanı nəsib oldu. Mən hələ də onun o zaman mənə Sovet İttifaqının ömrünün bitdiyini, bu ölkənin daha olmayacağını dediyini xatırlayıram. 

Xatırladım ki, o zaman Heydər Əliyev nə deputat, nə Milli Məclis nümayəndəsi, nə ölkə prezidenti idi. O, adi təqaüdçü idi. Amma buna baxmayaraq insanlar onun sözlərini dinləyirdilər. Ağsaqqalla 25 dəqiqəlik söhbət mənim işlədiyim televiziyada axşam çox gec saatlarda nümayiş edildi. 

Veriliş çox yüksək reytinq aldı. Çünki keçmiş SSRİ-nin bütün tamaşaçılarına bizim liderin fikirləri aydın və yaxın idi. 

Məhşur yazıçı Maksim Qorki yazırdı: "Məndəki bütün yaxşı şeylərə görə kitablara borcluyam". 

Düşünürəm ki, bir çox insanlar "Bir çox yaxşı şeyə - çalışqanlığa, qoyulan hədəfə çatmaq bacarığına, milli dəyərləri qoruyub saxlamağa çalışmağa, vətənpərvər olmaq və həmişə qürurla "Mən Azərbaycanlıyam!" deməyi öyrətdiyinə görə Heydər Əliyevə borcluyuq deyə bilər".(ans)