"Putin İlham Əliyevi razı sala biləcəkmi?" - bu erməni qəzetlərinin əsas mövzusudur. 

Bu ilin may ayının sonunda Astana sammitində Ermənistana verilən müddətin artıq yarısı keçib. "Lakin hələlik təqdim edilən problemin hansı yolla həll edilməsinə dair heç bir informasiya yoxdur", deyə qəzetlər yazırlar. 

Xatırladaq ki, qeyd edilən müddət Ermənistan ilə Dağlıq Qarabağın sərhədləri ilə bağlı problemin həlli üçün verilmişdi. 

Hadisələrin gedişatını müşahidə etsək demək olar ki, heç nə baş vermir. "Burada ancaq İrəvanın birtərəfli bəyanatı var ki, Ermənistan ilə Qarabağ arasında heç bir buraxılış məntəqəsi ola bilməz. Başqa bütün tərəflər susurlar. Ermənistanın Avrasiya İqtisadi Birliyinə qəbul edilib-edilməyəcəyi naməlum qalır. Məntiqə görə, qəbul edilə bilməz. Çünki Nazarbayev artıq deyib ki, Əliyevi incik salmaq olmaz. 

Əgər Moskva Ermənistanın "ağrısız üzvlüyünü" təmin edə bilməsə burada bütün məsuliyyət Rusiyanın üzərindədir", deyə yerli qəzetlər yazırlar. 

Əlavə edək ki, bu gün Moskvanın demək olar ki, 3 Qarabağı var. Bunlar cənubi Osetiya, Abxaziya və Krımdır. 

Bunun üçün də Rusiya Avrasiya İqtisadi İttifaqının yaradılmasında ərazi iddialarına qəti vurğu etmək istəmir. Görünür ki, buna görə də Putinə azərbaycanlı həmkarını öz tələblərindən imtina etməsini təmin etmək lazımdır. "Məhz buna görə xarici işlər naziri Lavrov Bakıya gəlib", deyə Ermənistan qəzeti qeyd edir.

Qeyd edək ki, Ermənistanın rəsmiləri ölkənin adıçəkilən ittifaqa daxil olmasının dəqiq tarixini açıqlamaq qəti istəmirlər. Bu aydındır. Artıq heç nə İrəvandan asılı deyil. Hansısa pərdəarxası danışıqlar aparılır. 

Bu ölkənin prezidenti Serj Sarkisyanın balıq kimi lal olduğu Astanadan qayıdandan sonra öz evində sözlərini xatırlatmaq istəyirik. "Kim dediki biz Gömrük İttifaqına Qarabağla birgə daxil oluruq. Bu ola bilməz. Çünki Dağlıq Qarabağ bu gün Ermənistanın tərkib hissəsi deyil". 

Razılaşın ki, bu ermənisayağı bəyanatdır.