"Erməni işğalına qarşı birlikdə tutduğumuz mövqedən heç vaxt geri çəkilmərik”.

Bunu Türkdilli Ölkələrin Parlament Assambleyasının (TürkPA) iclasında iştirak etmək üçün Bakıya gələn Türkiyə Böyük Milllət Məclisinin sədri Cəmil Çiçəyi deyib. 

Sədr Qarabağ və işğal altında olan Azərbaycan torpaqlarının geri qaytarılması məsələsinin bu gün çox önəm kəsb etdiyini vurğulayıb:

“Qafqazda daimi sülhün əldə olunması üçün işğal sona çatdırılmalıdır, 1 milyondan çox qaçqın öz yurd-yuvalarına qaytarılmalıdır”.

Münaqişənin Azərbaycanın ərazi bütövlüyü çərçivəsində həll edilməsinin vacib olduğunu vurğulayan Cəmil Çiçək, TürkPA-nın erməni işğalının əleyhinə olan bir mövqe tutduğunu qeyd edib.

“Bu məsələdə Türkiyə tam olaraq Azərbaycanı dəstəkləyir”.

Qeyd edək ki, Bakıda Türkdilli ölkələrin Parlament Assambleyasının (TürkPA) 5-ci plenar iclası başlayıb.
Türkdilli Ölkələrin Parlament Assambleyasına sədrlik Türkiyədən Azərbaycana keçib.

TürkPA-ya 4 ölkə - Azərbaycan, Türkiyə, Qazaxıstan və Qırğızıstan daxildir. /Anspress.com/