Almaniya hökuməti Türkiyə Prezidenti Rəcəb Tayyib Ərdoğanın bu ölkənin vətəndaşı olan türklər qarşısında çıxış etməsinə icazə verməyib.
Xeberle.com Oxu.Az-a istinadən xəbər verir ki, ölkənin xarici işlər naziri Ziqmar Qabriel Almaniya hökumətinin uyğun qərarını iyunun 29-da açıqlayıb.
"Biz Türkiyə hökumətinə belə çıxışın Almaniyada mümkünsüz olduğunu hesab etdiyimizi nildirmişik, - o deyib. – Konstitusiya qanunvericiliyi belə qərarı qəbul etməyə imkan verir”.
R.T.Ərdoğan iyulun 7-8-də Hamburqda keçiriləcək "Böyük-20”-liyin ("G20”) zirvə toplantısı çərçivəsində Almaniyadakı türklərlə görüşmək üçün müraciət edib. Ancaq Z.Qabriel Almaniyada keçiriləcək seçkiqabağı dövrdə əcnəbi siyasi xadimlərin ölkədə təbliğat aparmasına qarşı olduqlarını bildirib: "Almaniya hökuməti burada yaşayan türklər və ya Türkiyədən gəlmişlərin təhrik olunmasını istəmir. Biz xaricdəki münaqişələrin Almaniyaya gətirilməsini istəmirik”. 

Xəbərdən istifadə edərkən istinad etmək vacibdir.