"Azərbaycan ölkəyə daxilolmalara müəyyən məhdudiyyətlər tətbiq edib".
Rəsmi Bakı erməni soyadlı Rusiya vətəndaşlarının Azərbaycana daxil olması ilə bağlı Rusiya Xarici İşlər Nazirliyinin bəyanatı ilə əlaqədar mövqeyini Rusiya tərəfinə bildirib.
Xeberle.com İstiPress-ə istinadən xəbər verir ki, bunu jurnalistlərə Azərbaycan XİN-in rəsmi nümayəndəsi Hikmət Hacıyev deyib.
Onun sözlərinə görə, tərəflər arasında vizasız rejim haqqında saziş imzalanıb və bu sazişdə qeyd olunub ki, Azərbaycan ərazilərinin iyirmi faizi işğal edilib və orada etnik təmizlik aparılıb. H.Hacıyev bildirib ki, bəzi şəxslər etnik zəmində təhrikedici fəaliyyət göstərir və bununla əlaqədar Azərbaycan ölkəyə daxilolmalara müəyyən məhdudiyyətlər tətbiq edib:
"Ümid edirik ki, Ermənistan-Azərbaycan, Dağlıq Qarabağ münaqişəsinin həll olunması ilə bu cür məhdudiyyətlər aradan qaldırılacaq və vətəndaşlar sərbəst hərəkət edə biləcəklər”.
Xatırladaq ki, Rusiya mətbuatı bu ölkənin Xarici İşlər Nazirliyi Bakıda ruslara qarşı etnik ayrı-seçkilik edilməsi haqqında məlumat yayıb. Xəbərə görə Azərbaycan tərəfi erməni soyadları olan Rusiya vətəndaşlarının ölkəyə girişinə icazə verməyib.

Xəbərdən istifadə edərkən istinad etmək vacibdir.