Rusiya KİV-ləri arxada qoyduğumuz istirahət günlərində ölkə prezidenti Vladimir Putinin Soçi igamətgahında İlham Əliyevi və Serj Sarkisyanı görüşdürməsinə geniş yer ayırıblar. Media mənsubları yazır ki, Vladimir Putinin Azərbaycan və Ermənistan prezidentləri ilə ayrı-ayrılıqda görüşməsi bir daha Rusiya dövlət başçısına tərəflərin mövqeləri ilə yaxından tanış olmağa şərait yaradıb. Öz növbəsində Qarabağ cəbhəsində son gərgin vəziyyətdən xəbərdar olan Putin deyib ki, bu durumu Dağlıq Qarabağda növbəti müharibəyə bir səbəb kimi dəyərləndirmək olmaz. O tərəfləri məsələni sülh yolu ilə həll etməyə çağırıb.

Şənbə günü prezident Putin Azərbaycan prezidenti İlham Əliyevlə görüşüb, sonra isə Ermənistan liderini qəbul edib. “Moskovskiy komsomolets” qəzeti “Qaydasız döyüşlər fonunda” adlı məqaləsində yazır ki, hər iki görüşdə Dağlıq Qarabağda yaranmış təhlükəli vəziyyət müzakirə olunub. Azərbaycan Ermənistanda istənilən hərbi hədəfi vurmağa qadirdir və buna hazırdır – hətt ölkənin paytaxtı İrevanı da. Ermənistan isə bəyan edir ki, Azərbaycan növbəti dəfə atəşkəs rejimini pozaraq ermənilərin mövqelərinə minlərlə atəş açıb.

Azərbaycan prezidenti İlham Əliyev ümid edir ki, prezident Putinin prosesdə şəxsi iştirakı danışıqlara yeni impuls verəcək. Bunu “Rossiyskaya qazeta” “Qarabağ üçün sülh” məqaləsində yazır. Məqalədə deyilir ki, BMT Tşerməni işğalçı qüvvələrinin Azərbaycan ərazisindən dərhal və qeyri-şərtsiz çıxarılmasını tələb edən dörd qətnamə qəbul edib. Təəssüflər olsun ki, 20 ildən çox vaxt keçib, lakin bu qətnamələr hələ də kağızda qalıb. Minsk qrupunun həmsədrləri iş aparır, tərəfləri yaxınlaşdırmağa çalışır, lakin bu o qədər də yaxşı alınmır”, - deyə İlham Əliyev narazılığını ifadə edib.

Serj Sarkisyan da problemin sülh yolu ilə həllinə ümid olduğunu bildirib. Erməni liderinin dediklərinə Rusiyanın “Kommersant” qəzeti “Vladimir Putin savaş zamanı ayağa qalxıb” adlı məqaləsində yer verir. “Biz hesab edirik ki, həqiqətən də münaqişəni sülh yolu ilə həll etmək mümkündür və lazımdır. Azərbaycan tərəfi hər zaman BMT-nin 4 qətnaməsinə istinad edir, lakin mənim cənab Əliyevə ritorik sualım var: bəs Azərbaycan bu qətnamələrin hansı bəndini yerinə yetirib. Qətnamələrin tələbini yeganə yerinə yetirən elə Ermənistandır ki, o öz təsirinindən döyüşlərin dayandırılması naminə istifadə edib”, - deyə təcavüzkar Ermənistan rejiminin başçısı qeyd edib.

Bazar günü isə Vladimir Putin qonaqlarını özünün Boçarov ruçey” igamətgahında qarşılayıb. “Komsomolskaya pravda” qəzeti “Rusiya prezidenti Ermənistan və Azəraycanı barışdırırdı” adlı məqaləsində Vladimir Putinin dediklərinə yer ayırıb. “Problemlərin həllinin beynəlxalq formatları mövcuddur, və biz onlara hörmətlə yanaşırıq və həmkarlarımızla çalışmağa davam edəcəyik. Lakin bizim xüsusi yaxın əlaqələrimiz, ümumi dərin tariximiz var ki, bu bizlərə harada olduğumuz və hansı işlərin görüləcəyi barədə fikirlərimizlə səmimi şəkildə bölüşmək imkanı yaradır. Məmnuniyyətlə qeyd edirəm ki, hamı problemin sülh yolu ilə həllində israrlıdır. İnsanların həlak olmasından böyük faciə yoxdur. Biz bir-birimizə dözümlülüyü, müdrikliyi nümayiş etdirməliyik ki, bu həlli tapa bilək”, - deyə Rusiya prezidenti Vladimir Putin bildirib.(interaztv.com)