ABŞ Rusiyaya qarşı iki istiqamətdə qərarlar qəbul edir. Bunlar qlobal və regional maraqlardan ibarətdir. Amerikalılara görə Rusiyanı diz çökdürmək və qlobal perespektivlərdən uzaqda tutmaq daha önəmlidir.
Faktiki   olaraq Rusiya ilə ABŞ arasında gedən geosiyasi qarşıdurmanın hərarəti hər ötən gün artmaqdadır. Cərəyan edən hadisələr,   iki super güc arasında amansız mübarizənin dərinləşəcəyini  mümkün edir. Əlbətdə bu qarşıdurmanın sonucda hərbi müstəviyə keçəcəyi rela görünmür. Çünki, hər iki dövlət nüvə arsenalına malikdir və təbii ki,  nüvə faktorunun olması  hərbi qarşıdurma şansalarını azaldır. Bu da o anlama gəlir ki, əgər  "cahanda sülh istyirsənsə nüvə silahına malik olmalısan”.
 Hərbi qarşıdurma mümkün olmadığı halda təbii olaraq digər təsir mexanizmiləri, iqtisadi və siyasi sanksiyalar işə düşür. Necə ki, biz bunu hər iki ölkənin bir-birilərinə qarşı tətbiq etdikləri sanksiyaların fonunda görürük.   Güman ki, Rusiya və ABŞ qarşılıqlı olaraq sanksiyaları davam etdirəcəklər.  O vaxta qədər ki,  aparılan geosiyasi mübarizədə maraqlar təmin olunacaq.  Burada isə hələlik Amerika Rusiyadan daha güclü görünür. Böyük ehtimalla Amerika ilə müqayisədə zəif olan Rusiya çox ciddi sıxıntılarla qaşılaşacaq.  
ABŞ Rusiyaya qarşı iki istiqamətdə qərarlar qəbul edir. Bunlar qlobal və regional maraqlardan ibarətdir. Amerikalılara görə Rusiyanı diz çökdürmək və qlobal perespektivlərdən uzaqda tutmaq daha önəmlidir. Bu baş verəcəyi təqdirdə istər-istəməz Rusiya –Ukrayna, Rusiya-Moldova, Rusiya-Gürcüstan qarşıdurması kimi regional problemlərin çözümünü ABŞ maraqları çərçivəsində həll etmək mümkün olacaq.
Buna rəğmən Moskva da öz mövqelərini gücləndirək üçün zəif də olsa özünə məxsus formada həmlələr edir  və   mövqelərini gücləndirməyə çalışır. Məsələn, Rusiya prezidenti V. Putinin ABŞ diplomatlarilə bağlı verdiyi məlum qərarın özü cavab addım kimi qəbul olunsada,  təsirli olmayacağı qənaətindəyəm.  Fəqət,  bu heç də o demək deyilki, Rusiyanın ABŞ qarşısında olan imkanları sfıra bərabərdi. Ən azından Rusiya  Amerika ilə qarşıdurmada təkbaşına qalib gələ bilməyəcəyini anlamalı və son günlər  Vaşiqtonla münasibətləri kəskinləşməkdə olan bölgənin güclü dövlətləri  Türkiyə, Çin kimi ölkələrlə strateji əməkdaşlığını yaxınlaşdırmalıdır. Eyni zamanda, keçmiş postsovet respublikalarında yaratdığı münaqişə ocaqları siyasətinə yenidən baxmalıdır ki, Amerikanın qarşısında duruş gətirə bilsin.

Xəbərdən istifadə edərkən istinad etmək vacibdir.