ABŞ-ın Tehrana qarşı tətbiq etdiyi yeni sanksiyalar nüvə proqramına dair əldə olunan razılığı pozur.
Xeberle.com  xəbər verir ki, bu bəyanatla  İran xarici işlər nazirinin müavini Abbas Araxçı çıxış edib.
O bildirib ki, rəsmi Tehran buna proporsional şəkildə cavab verəcək.  
"Bizim fikrimizcə, nüvə razılaşması pozulub və biz yaranmış vəziyyətə müvafiq və proporsional reaksiya sərgiləyəcəyik”, - deyə İran xarici işlər nazirinin müavini Abbas Araxçı deyib. 
Qeyd edək ki, çərşənbə günü ABŞ prezidenti Donald Tramp Konqres tərəfindən qəbul edilən Rusiya, İran və Şimali Koreyaya qarşı yeni sanksiyalar paketini imzalayıb. 

Xəbərdən istifadə edərkən istinad etmək vacibdir.