NATO keçmiş sovet respublikalarının ərazi bütövlüyü və suverenlik haqlarını müdafiə eləmək əzmindədir. Musavat.com-un məlumatına görə, bu barədə alyansın Uels sammitində qəbul edilən bəyannamədə deyilir.
“NATO Ermənistanın, Azərbaycanın, Gürcüstanın və Moldovanın ərazi bütövlüyü və suverenliyini müdafiəsi ilə bağlı öhdəliklərinə sadiqdir. Mövcud şəraitdə alyans Cənubi Qafqazda və Moldovada münaqişələrin beynəlxalq qanunvericilik əsasında və dinc yolla həllinə yönəlik səyləri dəstəkləməkdə davam edəcək”, - deyə sənəddə qeyd edilir.
Bəyannamənin postsovet məkanındakı münaqişələrə aid hissəsində daha sonra deyilir: “Bu konfliktlərin üzücü şəkildə davam eləməsi hələ də xüsusi narahatlıq doğurur, çünki belə vəziyyət bölgə sakinlərini Avroatlantik birliyin üzvü olmaq imkanından məhrum edir”.
Xəbərdən istifadə edərkən istinad etmək vacibdir.
