Son günlər Kərkük üzərində oynanılan siyasi oyunlara etiraz olaraq bir-birindən nüfuzlu təşkilatlar öz reaksiyasını ortaya qoyub.
İstər Azərbaycanın istərsə də Türkiyə və Türk dünyasının "Kərkük Türkdür Türk qalacaq" şüarları ilə bərabər müəyyən aksiyalara da əl atıblar. Dünya Azərbaycanlıları Konqresinin (DAK) sədri Asif Kurban bizə verdiyi açıqlamasında "Kərkük Türkdür, Kərkükə toxunmayın. Kərkük Türkün vuran ürəyidir" şüarları ilə İstanbulda keçirilən mitinqə də DAK-ın dəstək verdiyini və bu dəstəyi əsirgəməyəcəklərini bildirib. Yaxın 2 gün ərzində Kərküklə bağlı çox böyük tədbir keçirəcəklərini deyən DAK sədri Asif Kurban Kərkük məsələsində Kərkükdə keçirilən saxta referenduma etiraz olaraq və Kərkükün toxunulmazlığı üçün keçiriləcək bütün aksiyalarda türkmən elinin yanında olduğunu bildirib. Türkmən elinin Azərbaycanın və Türkiyənin ayrılmaz bir hissəsi olduğunu xatırladaraq bu yolda bütün dünya azərbaycanlılarını birləşməyə çağırıb.
Siyasət şöbəsi
Xəbərdən istifadə edərkən istinad etmək vacibdir.
