ABŞ-ın Miçiqan ştatının senatı Azərbaycanın Ermənistan ordusu tərəfindən işğal olunmuş ərazisi Dağlıq Qarabağda yaradılmış qondarma rejimin tanınmasına dair qətnamə qəbul edib. ATƏT-in Minsk qrupunun həmsədir dövlətlərindən olan Amerika ştatlarından birinin belə bir qətnamə qəbul etməsi gələcəkdə DQ-ın işğaldan sülh yolu ilə azad olunması məsələsini ciddi sual altına alır.

Görəsən dünyanın supergücü sayılan ABŞ-ın Miçiqan ştatının qəbul etdiyi qətnamə Amerika–Azərbaycan münasibətlərinə nə kimi təsir göstərə bilər? sualı ilə Milli Məclisin deputatı, Beynəlxalq münasibətlər və parlamentlərarası əlaqələr komitəsinin üzvü Sahib Alıyevə müraciət etdik.

Millət vəkili Xeberle.com-a bildirdi ki, "Bu, ABŞ-ın nə birinci ştatıdır, nə də yəqin ki, sonuncu olacaq. Məlum "tanıma”nın nəinki hüquqi gücü, heç təbliğat effekti də bir qara qəpiyə dəyməz. Amerikanın xarici siyasətinin onun hansısa bir ştatı yox, federal hökümət müəyyənləşdirir. Düzdür, Minsk qrupuna həmsədrlik edən dövlət kimi bizi Amerikanın fəaliyyəti heç də razı sala bilməz. Ancaq bu ölkə Azərbaycanın torpaq bütünlüyünü tanıyır və əsas da budur. Ən vacibi isi budur ki, Azərbaycanın öz ərazi bütünlüyünü təmin etmək iradəsi sarsılmazdır, bunun reallaşdırılması üçün potensial var və o getdikcə artır.”