İraq ordusu Kərkükün azad edilməsi üçün əməliyyata başlayıb.
Bu barədə "Frans Press” agentliyi informasiya yayıb.
Məlumata görə, peşmərgə qüvvələri bəzi yerlərdə könüllü olaraq geri çəkilib. Tərəflər arasında hələlik heç bir qarşıdurma baş verməyib.
Suriya mətbuatı isə əməliyyatın İraq Kürd Muxtariyyətinə qarşı aparılmadığını iddia edərək, İraq ordusunun Kərkükə İŞİD-dən azad edilən ərazilərdə nəzarəti təmin etmək üçün daxil olduğunu bildirib.
Qeyd edək ki, bir qədər əvvəl İraq Kürd Muxtariyyətinin İraq ordusunun hər hansı hücumuna hazırlıq olaraq Kərkükə onminlərlə peşmərgə göndərdiyi açıqlanmışdı.(Axar.az)

Xəbərdən istifadə edərkən istinad etmək vacibdir.