Qazaxıstan-Qırğızıstan sərhədindəki böhran göstərdi ki, biz Avrasiya İttifaqına çox ümid bəsləmişik.
Bunu Qırğızıstan Prezidenti Almazbel Atambayev söyləyib.
"Bu hadisələr göstərdi ki, biz iqtisadi inkişaf məsələsində özümüzü aldatmamalıyıq və Avrasiya İttifaqına çox güvənməməliyik. Ona görə ki, ittifaq bir insanın istəklərindən asılı olanda etibarlı ola bilməz. İstənilən ittifaq razılaşmalara əsaslanmalıdır. Mən Qırğızıstan hökumətinə tapşırmışam ki, ölkənin kənd təsərüffatı üçün alternativ bazarlar tapılsın. Burada çox axtarış etməyə gərək yoxdur. Bu bazarlar 32 milyonluq Özbəkistan və 1,5 milyardlıq Çin bazarı ola bilər. Müstəqilliyin boş səs olduğunu düşünən şəxslər pul aldıqları ölkələrdə rahat yaşaya bilərlər. Bizim Qazaxıstanla vətəndaşlığın asan şəkildə alınması ilə bağlı razılaşmamız var. Biz sizi sevərək ölkədən buraxacağıq, onlar da qəbul edəcək. Orada yerlər çoxdur”, – deyə o bildirib.
Qeyd edək ki, bir müddət öncə Atambayev Qazaxıstanı ölkənin daxili işlərinə müdaxilədə və müxalifəti dəstəkləməkdə ittiham edib.(Axar.az)

Xəbərdən istifadə edərkən istinad etmək vacibdir.