ABŞ Polşaya "Patriot” raket əleyhinə komplekslərini satmağa qərar verib.
ABŞ Müdafiə Nazirliyi komplekslərin ABŞ Prezidenti Donald Trampın iyulun əvvəlində Varşavaya səfəri zamanı imzalanan 10,5 milyardlıq hərbi müqavilə çərçivəsində Polşaya veriləcəyini bildirib. "Patriot”ların Polşaya 2022-ci ilə qədər çatdırılması nəzərdə tutulub.
Qeyd edək ki, Rusiya bundan öncə ABŞ-ın onun sərhədləri yaxınlığında "Patriot”lar yerləşdirməsi və ya onun Rusiyaya qonşu ölkələrdən birinə verməsinə kəskin etiraz etmişdi. Moskva Vaşinqtonun bununla dünyanın istənilən yerini məhv edə biləcək qlobal zərbə sistemi layihəsini gerçəkləşdirmək istədiyini bildirmişdi.

Xəbərdən istifadə edərkən istinad etmək vacibdir.