Mövzu ilə bağlı Xeberle.com saytına münasibət bildirən şərqşünas-politoloq Vüsal Hətəmovbildirdi ki, Türkiyə, İran və Rusiya öz gələcək müqəddəratını yalnız birliklərində gördülər:
"Dünənki görüşdə Ərdoğanın Putin və Ruhani qarşısında irəli sürdüyü şərtlər təxmin olunurdu:
1. Bütün tərəflər terror təşkilatlarını Suriyanın ərazi bütövlüyü üçün təhdid saymalı və onları qanuni tərəf kimi qəbul etməməlidir.
2. Türkiyənin təhlükəsizliyi üçün Suriyanın şimalı terrorçu ünsürlərdən təmizlənməlidir.
3. Suriyanın gələcəyi mövzusunda müxalifətin fikirləri də nəzərə alınmalıdır.
Ərdoğanın 3-cü şərti çox güman ki, vaxtilə Suriya müxalifətinə dəstək verməsinə görədir. Bu şərtilə həm də Qərblə münasibətlərini tam üzmək istəmir. Lakin hər 3 dövlət əsas prinsiplər ətrafında həmfikirdir. Maraqlıdır ki, Türkiyə-İran-Rusiya üçlüyü artıq ABŞ-ın Qərbdən Şərqə istiqamətlənməsinə əngələ çevrilib. Bunun isə bəlli səbəbləri var: Hər 3 dövlət yaxşı anlayır ki, Qərb Suriya və İraqdan sonra Türkiyə, İran və Rusiyaya doğru irəliləməlidir. Yaxın Şərqdə bir qədər siyasi vəziyyəti nəzərdən keçirdikdə aydın olur ki, Qərb üçün, əslində, ölkələrin idarə olunması lazımdır. Putin, Ərdoğan və Ruhani hakimiyyəti Qərbin dedikləri ilə hesablaşmayınca, qarşı tərəfdən təzyiq görəcəklər. Həmin təzyiqlər millətlərin çaxnaşması, iqtisadi embarqolar, hakimiyyət çevrilişlərinə cəhd timsalında olacaq. Suriya, İraq ona görə xarabaya çevrildi ki, onların hakimiyyəti Qərblə deyil, Rusiya və İranla hesablaşırdı. Lakin monarxiya hakimiyyəti olan Səudiyyə isə Yaxın Şərqdə Qərbin bir nömrəli dostuna çevrilib. Çünki onlarla bir cəbhədədir. Əlbəttə, ona da vaxt çatacaq. Bütün bunları Türkiyə, Rusiya və İran da dərk edir. Hər 3 dövlət yaxşı başa düşür ki, onların əraziləri bölünməli, tərkibində olan böyük xalqların sayı qədər dövlətlər yaranmalıdır – "parçala, hökm sür” prinsipinə uyğun".
"Suriya vətəndaş müharibəsi başladıqda  faktiki vəziyyət son dərəcə gərgin həddə gəlib çıxdı. Bu anda Rusiya Bəşər Əsəd rejiminə böyük dəstək verdi və Türkiyə İranda proseslərdə müəyyən mənada rol oynadı. Bununla da 3-lü ittifaq yarandı. Bu ittifaq çərçivəsində də prezidentlər tez-tez görüşür və dünən də Soçi görüşü baş tutdu. Amerika son illər bu bölgədə, İraq və Suriyada passivləşib. Donald Trumpun xarici siyasətində aktivlik müşahidə olunmadığı üçün Rusiya, Türkiyə, İran bu boşluqdan istifadə edir. ABŞ sadəcə kürdlərə dəstək verir, əsas aktivliyi isə bu 3  ölkə göstərir. Ona görə də Suriyanın  yenidən qurulmasında 3-lü ittifaq iştirak  edəcək. Bir daha təkrar edirəm ki, Amerikanın fəal xarici siyasəti yoxdur. Barak Obama dövründə Suriyada gedən proseslərlə bağlı söyləmişdi ki, əgər Suriya rejimi kimyəvi silahdan istifadə etsə bu bizim üçün qırmızı cizgi olacaq. Ancaq, kimyəvi silahdan istifadə edilsə belə Barak Obama riskə gedib ordunu Suriyaya göndərmədi. Bu riski Putin  elədi və indi də bəhrələrini əldə etməyə çalışır və fəallaşıb".
Hicranə İsmayılova
Siyasət bölməsi

Xəbərdən istifadə edərkən istinad etmək vacibdir.