Rusiya hökuməti neft və qazı Avropaya energetika silahı kimi tədarük etməkdə davam edir.
Bunu Vudro Vilson adına Elmi Tədqiqat Mərkəzində çıxışı zamanı ABŞ Dövlət katibi Reks Tillerson söyləyib.
"Moskvanın həyata keçirdiyi bir sıra enerji layihələri, o cümlədən Şimal axını-2 Avropada stabillik üçün təhdiddir. Buna qarşı müqavimət göstərmək üçün Vaşinqton Şərqi Avropa ölkələrində infrastruktur layihələrinin tikintisini dəstəkləyəcək və mövcud tədarük qaydalarını asanlaşdıracaq. Bu isə ABŞ-a daha böyük həcmdə enerji resursları ixrac etməyə imkan verəcək”, – o bildirib.
Onun sözlərinə görə, Rusiyanın hazırda həyata keçirdiyi siyasət müasir dünya üçün əsas təhdidlərdən biridir:
"ABŞ-ın keçmiş rəhbərliyinin Rusiya ilə münasibətləri yoluna qoymaq cəhdi illuziyadan başqa bir şey olmadı. Moskvanın münasibətlərin yenilənməsinə cavabı 2008-ci ildə Gürcüstana hücum, 2014-cü ildə isə Krımın anneskiyası və Ukraynanın şərqinə hərbi müdaxilə oldu. ABŞ və Avropa Rusiyadan olan təhdidlər məsələsində eyni mövqeyə sahibdir. Rusiyaya qarşı sanksiyalar onun bugünkü siyasətindən imtina etdiyi gün yoxa çıxacaq”.(Axar.az)

Xəbərdən istifadə edərkən istinad etmək vacibdir.