ABŞ-a 2 dünya müharibəsi ərəfəsində bir güllə belə, düşmədi. Lakin Avrasiya materikində yetərincə güllələrini sınaqdan keçirtdi. Görünür, Yaxın Şərqin qızışdırılması Tramp hakimiyyətinə sərf edir. İraq və Suriyanın acığını Rusiya, Türkiyə və İrandan çıxmağın ən gözəl yoludur. 

Düzdür, bir sıra dövlətlər bu məsələni qərardan öncə qınadı. İƏT-dən də öncə bildirmişdilər ki, quruma üzv 57 dövlət səfirliyini Tel-Əvivdən Qüdsə köçürəcəyi ölkə ilə əlaqələri tam kəsməli olacaq. Onlar bu addımı bütün ərəb ölkələri və müsəlman dünyasına qarşı açıq təcavüz kimi qiymətləndirəcəklərini də bildirmişdilər. 

Türkiyənin Xarici İşlər naziri M. Çavuşoğlu da qərar ərəfəsində təəccüblə bildirdi ki, ABŞ-ın bu qərarı Qüdsü İsrailin paytaxtı etməz. Çavuşoğlu Trampı qınayaraq onun bu qərarını məsuliyyətsiz də adlandırıb.  

Maraqlı bir fakt budur ki, israilli siyasətçi Hanan Aşravi BBC-yə açıqlaması 

zamanı Trampın bu addımının bölgə üçün fəlakət gətirəcəyini bildirib. Görünür ki, elə düz də deyib. Çünki narazılıqlar artıq başlayıb. Məsələyə ilk olaraq etiraz bildirən dövlətlərdən olan Türkiyədə, o cümlədən İstanbulda minlərlə insanlar qərara zidd olaraq etirazlara başlayıblar.

Məlumatalara görə, elə qərar ərəfəsindəcə İsrail polisi də hazırlıq vəziyyətinə gətirilib. ABŞ Dövlət Departamenti də diplomatik nümayəndəliklərinə bu ayın 20-dək Qüds və Qərbi Şəriəyə getməməyi tövsiyə edib. 

Maraqlıdır, bəs bütün bu hadisələr nəyə hesablanıb? 

Qeyd edək ki, 1967-ci ildə 6 günlük müharibədə işğal edilən Qüds 1980-ci ildə İsrailin paytaxtı elan edilsə də, ABŞ da daxil olmaqla, heç bir dövlət bu qərarı tanımayıb və heç bir səfirlik ora köçürülməyib. 1995-ci ildə ABŞ Qüdsün tanınması barədə qərar qəbul etsə də, bu qərarın rəsmiləşməsi hər il siyasi səbəblərə görə gecikdirilib. İndi isə, hazırkı dönəmdə Yaxın Şərqdə terror şəbəkələrinin çökdürülməsi ərəfəsində belə təzadlı addım nəyə görə atılır və nə ilə bitəcək?! Təbii ki, ən yumşaq halda kiçik münaqişələrdən xəbər vermək olar. Lakin məsələ Fələstin-İsrasil məcrasındamı qalacaq?! Çünki "İsrail” deyəndə – ABŞ, Qüds deyəndə isə qarşı qütb, yəni Rusiya-Türkiyə-İran üçlüyü nəzərə gəlir. Görünən isə budur ki, artıq münaqişə Fələstin-İsrail mövzusundan çıxacaq və yeni bəşəri müharibəyə – Üçüncü Dünya müharibəsinə aparacaq. Odur ki, Üçüncü Dünya müharibəsinə hamilə olan planetin artıq qarın sancıları güclənir..!