Şərqi Asiyada savaş başlasa, ABŞ Çin və Rusiyaya uduzacaq.
Bu barədə informasiya RAND analitik təşkilatının "ABŞ-ın təhlükəli dünya qarşısındakı hərbi imkanları və gücləri” hesabatında yer alıb. Hesabata əsasən, ABŞ-ın hərbi xərclərinin hər iki ölkədən çox olması bu məğlubiyyətin qarşısını almaq üçün yetərli deyil:
"ABŞ-ın düşmənlərinə qarşı üstünlük qazanmasına imkan yaradan texnologiyalar artıq Çin ordusunda da var. Bu isə onun ABŞ əməliyyatlarına daha asan müqavimət göstərməsinə imkan yaradır. Çinin bu imkanlara sahib olması ABŞ-ın bölgədəki vəziyyətini çətinləşdirir və onun təhlükəsizliklə bağlı zəmanətlər verməsinin sorğulanmasına səbəb olur”.
Təşkilat, həmçinin, ABŞ-ın Rusiya ilə Baltikyanı regionu və Ukraynada da üz-üzə gələ bilmə ehtimalının olduğunu bildirib:
"Rusiya keçmiş SSRİ ölkələri olan Batikyanı dövlətlərinə müdaxilə etsə, NATO çətinliklərlə qarşılaşacaq. Rus ordusu müasir müdafiə sistemlərinə malikdir. NATO Rusiyanın hücumu zamanı Baltikyanı ölkələri qorumaq gücündə olmayacaq.
Ukrayna ilə Rusiya arasında yaşanan düşmənçiliyin yenidən alovlanması Qara dənizdə böyük gərginliyə səbəb olacaq. Ankara Moskva ilə 15 iyul çevriliş cəhdindən sonra xeyli yaxınlaşıb və bu da onun Rusiya ilə Ukrayna arasındakı yeni hərbi böhrana necə reaksiya verəcəyini müəyyən etməyə imkan vermir”. (Axar.az)

Xəbərdən istifadə edərkən istinad etmək vacibdir.