Bəs görəsən ABŞ-ın əleyhinə səs verənlərə D.Tramp nə kimi cəza tətbiq edə bilər? Nəzərə alsaq ki, ABŞ əleyhinə səs verən ölkələrin içərisində Rusiya, Çin kimi hegemon dövlətlər var. Belə olduğu halda ABŞ prezidenti BMT-yə üzv olan ölkələri təkbaşına qarşısına almaq iqtidarındadırmı?

Politoloq Arzu Nağıyev ABŞ-ın BMT-dəki daimi nümayəndəsinin kiməsə xəbərdarlıq etmək kimi bir səlahiyyətinin olmadığını bildirib : " Ümumiyyətlə BMT-nin Təhlüksizlik Şurasının 5 daimi üzvündən 2-si ABŞ-ın əlyhinə səs verib: Rusiya və Çin. ABŞ öz xarici siyasətini və təhlükəsizlik konsepsiyasını ortaya qoyanda onların əleyhinə gedən dövlətlər kimi məhz Rusiya və Çinin adını çəkirdilər. Tramp şəxsən hər hansı bir cəza vermək iqtidarında deyil. Hər bir dövlətin istər lehinə, istərsə də əleyhinə olsun, öz səsvermə hüququ var. Bu bir xarici siyasətdir. O demək deyil ki, bütün dövlətlər Amerikanı və onun yürütdüyü siyasəti dəstəkləməlidirlər. Hərənin öz xarici siyasəti var və o siyasətə uyğun kontekstdən də çıxış edirlər. Buna görə də düşünmürəm ki, Amerikanın əleyhinə verilən hər səsə görə kimsə cəzalandırıla və ya bu kimi digər addımlar atıla bilər. Məlumdur ki, Rusiya bu məsələni BMT-nin nəzarətinə buraxmışdı. Çin isə ümumiyyətlə bu məsələdə iştirak etmirdi. Əsasən müsəlman dövlətləri, ərəb ölkələri Qüdsün Fələstinin paytaxtı olması ilə bağlı çıxış edirdilər və əsas hədəfdə olan dövlət İsrail idi. Yəni burada elə bir məsələ yoxdur və düşünürəm ki, onlar şəxsi məsələlərini diplomatik yol ilə həll edəcəklər.

ABŞ-ın BMT-dəki daimi nümayəndəsinin kiməsə xəbərdarlıq etmək kimi bir səlahiyyəti yoxdur. Sadəcə o da, digər dövlətlərin nümayəndələri kimi öz fikrini bildirir. Qüdslə bağlı hər hansı bir məsələyə ABŞ veto qoyduqdan sonra, bu mənim daxili işimdir cavabını verdiyi kimi, Rusiya və Çin də bu məsələ ilə bağlı öz fikirlərini bildirirlər, burada hər hansı bir xəbərdarlıq onlara təsir edə bilməz”

Elnarə Salamova

Xeberle.com

Siyasət bölməsi