"Türkiyə yaxın perspektivdə o əraziləri nəzarət altına alacaq”.
Son günlər Türkiyə ilə Amerika arasında hərəkətlilik artıb. Xüsusən də, Amerikanın Afrində 30 minlik ordu yerləşdirməsi Türkiyəni tədbirlər görməyə vadar etdi. Hətta bu günə qədər olmayan dərəcədə R.T.Ərdoğan Amerikaya meydan oxudu. Görəsən, münasibətlərin bu həddə qədər gərginləşməsi NATO-da müttəfiq olan Türkiyə və ABŞ-ı aktiv hərbi qarşıdurmaya sürükləyə bilərmi?
Xeberle.com-a açıqlama verən Elxan Şahinoğlu qeyd etdi ki, Türkiyə və Amerikanı artıq müttəfiq kimi saymaq düzgün deyil.
"Bəli, II Dünya Müharibəsindən 1990-cı illərə qədər onlar strateji müttəfiqlər idi və hətta Amerika Türkiyəni Sovetlər birliyindən qoruyurdu. Artıq Türkiyə müstəqil xarici siyasət yürüdür. Və bunu da qeyd edim ki, Türkiyə Rusiyaya daha yaxındır. Bu da Amerikanın yürütdüyü yalnış xarici siyasətə söykənir:
1. Amerikanın terrorçu kürdlərə dəstəyi və onların türkiyəyə xain hücumları;
2. 2016-cı ildə Fətullah Gülənin tərəfdərlarının hərbi çevrilişə cəhd etməsi, 250 türk vətəndaşının qətlə yetirilməsindən sonra Amerikanın hələ də onu qoruyub saxlaması;
3. Amerikada baş verən məhkəmə çəkişmələrinin Türkiyəyə yönəlməsi.
Bütün bu faktorlar gətirib ona çıxarıb ki, bu iki ölkə artıq müttəfiq deyil. Və Amerikanın sonuncu qərarı hansı ki, Suriyada radikal kürdlərə dəstəyin artırılması Türkiyəyə birbaşa zərbədir. Və Türkiyə də bunun qarşılığında addım atmağa məcburdur. Çünki Türkiyə imkan verə bilməz ki, Suriya sərhədi boyunca ərazilər PKK-nın törəmə təşkilatlarının nəzarəti altına keçsin.
E.Şahinoğlu bundan başqa Türkiyənin yaxın perspektivdə o əraziləri nəzarət altına ala biləcəyini də qeyd etdi.
"Təbii ki, bu Amerikanın xoşuna gəlməyəcək. Amma inanmıram ki, Amerika birbaşa Türkiyə ilə qarşıdurmaya getsin”.
Hicranə İsmayılova
Xeberle.com
Siyasət bölməsi
Xəbərdən istifadə edərkən istinad etmək vacibdir.
