"YAP-nın
Sumqayıt şəhər təşkilatının 26229 min üzvü var. Bunlardan 14097 qadın, 12455
kişilər təşkil edir".
Xeberle.com məlumat verir ki, bütün bunlar partiyanın Sumqayıt şəhər təşkilatının şura
iclasında səsləndirilib. Sumqayıt şəhər rəhbərliyinində qatıldığı iclasda
partiyanın gördüyü işlərə toxunulub.
Tədbiri
təşkilatın sədri Ramiz Hüseynov açaraq ötən dövr ərzində YAP-nın Sumqayıt şəhər
təşkilatının fəaliyyəti barədə və qarşıda duran vəzifələr haqqında məlumat
verib. Ondan sonra YAP Sumqayıt şəhər təşkilatının Məsələlər üzrə müavini Vəzirxan
Ənsərov çıxış edərək, aparılmış siyasi iş və ideoloji təbliğatın nəticəsində
üzvlərin 2017-ci il ərzində 881 nəfər artdığını qeyd edib.
Daha
sonra Sumqayıt şəhər İcra Hakimiyyəti başçısının müavini Teymur Səmədov, YAP
Sumqayıt şəhər təşkilatı nəzarət təftiş qrupunun sədri Akif Kərimov, təşkilat sədrinin
qadınlarla iş üzrə müavini Səkinə Sadıqova, şəhər gənclər birliyinin sədri
Elvin Məmmədzadə və digərləri çıxış edərək, təşkilatın cəmiyyətimizin bütün
sosial təbəqələrini əhatə edən əhəmiyyətli tədbirlər keçirməsini vurğulayıblar.
Qeyd olunub ki, YAP Sumqayıt şəhər təşkilatı Ümumilli lider Heydər Əliyevin
ideyalarına sadiq qalaraq, siyasi-ideoloji maarifləndirməni bir an da olsun
dayandırmamasından əksinə kütləvi tədbirlərlə onun təsirini daha da
artırmasından danışılıb. Tədbirdə həmçimin şura üzvləri tərəfindən bir sıra təkliflər
də səsləndirilib.
Sumqayıt
şəhər İcra Hakimiyyətinin başçısı Zakir Fərəcovda iclasda çıxış edərək YAP-nın
alternativsiz siyasi qüvvə olduğunu və Azərbaycanın siyasi arenasında özünəməxsus
yer tutduğunu ifadə edib. Partiyanin yaranmasından artıq 25 il ötür deyən şəhər
rəhbəri diqqətə çatdırıb ki, ulu öndər Heydər Əliyev hakimiyyətə qayıtdıqdan
sonra Azərbaycanda baş verən bütün mütərəqqi, müsbət dəyişiklikləri və inkişafı
özündə əks etdirən bütün faktlar, Azərbaycanın müstəqil dövlətinin qurulması,
onun iqtisadi və sosial cəhətdən
inkişafı, müasirləşməsi, ölkəmizin dünya birliyində mövqelərinin möhkəmlənməsi və saya biləcəyimiz
bugünkü həyatımızı, dövlətimizin gerçəkliklərini,
inkişafını əks etdirən bütün müsbət cəhətlərin hər biri Yeni Azərbaycan
Partiyasının fəaliyyəti ilə əlaqədardır. Şəhər başçısı həmçinin bu sahədə gənclər
arasında maarifləndirmə işlərinin aparılmasının əhəmiyyətindən də danışıb.
Qeyd
edək ki, iclasın sonunda partiyaya yeni qəbul edilmiş bir qrup gənclərə vəsiqələr
verilərək iclas sona çatıb.
Hicranə
İsmayılova
Xeberle.com
Xəbərdən istifadə edərkən istinad etmək vacibdir.
