Serj Sarkisyanın Ermənistanın gələcək baş naziri olması Rusiyaya daha çox sərf edir.
Bunu "Sputnik” agentliyinə açıqlamasında rusiyalı politoloq Artur Atayev söyləyib. Onun sözlərinə görə, Rusiya İrəvandakı prosesləri diqqətlə izləyir:
"Hazırda İrəvanda baş verən hakim Respublika Partiyası və ümumilikdə erməni elitası üçün siyasi imtahandır. Rusiya-Ermənistan münasibətləri bu prosesin nəticəsindən asılı olacaq. Rusiyanı əslində Respublika Partiyasından olan istənilən baş nazir qane edir, amma gələcək prezidentin konteksti də bizim üçün vacibdir. Biz ümid edirik ki, Serj Sarkisyanı baş nazir kimi görəcəyik. Sarkisyan Rusiya üçün daha anlaşıla bilən siyasətçidir. Sarkisyanın hazırkı Baş nazir Karen Karapetyanla əlaqəsi Moskvanı tam qane edir. Karapetyan "Qazprom”la əlaqəli şəxsdir və Rusiyanın iqtisadi siyasətinin bir hissəsini həyata keçirir”.(Axar.az)

Xəbərdən istifadə edərkən istinad etmək vacibdir.