Rusiya rəsmi şəkildə Beynəlxalq Narkotik Ticarət Şəbəkəsi ilə eyni səviyyədə dünya nizamına təhdid sayıldı.
Bu sözləri öz Feysbuk səhifəsində ABŞ-ın "Kreml hesabatı”nı şərh edərkən İsraildən olan politoloq Avram Şmuleviç paylaşıb.
"Anlamaq lazımdır ki, bu nəyə görə edilib. Deyilənə görə, hesabatın əsas hədəfi elitanı parçalamaqdır. Məncə, belə deyil. Bu siyahı Şərqdən çox, Qərbə yönəlib”, – deyə o bildirib.
Onun sözlərinə görə, siyahının yayımlanmasında əsas məqsəd rus elitasının Qərbdəki aktivlərinin təsirini neytrallaşdırmaqdan ibarətdir:
"Eynən narkokartellərin pulu kimi onlar da Qərbdə leqal şəkildə qərarların qəbuluna təsir edə bilməyəcək. Qərb rus pulundan azad olmağa başlayıb. Buraya istənilən yolla qazanılan pullar aiddir. Onların hamısı bundan sonra zərərli sayılır.
Digər önəmli məqam Xarici İşlər naziri Sergey Lavrovun siyahiya daxil edilməsidir. Adətən bu tip diplomatlar siyahıya əlavə edilmir. Lavrovun siyahıya əlavə edilməsi məhv edilənə qədər davam edəcək müharibənin elan edilməsdir”.(Axar.az)

Xəbərdən istifadə edərkən istinad etmək vacibdir.