Rusiyanın "AN-72” hərbi-nəqliyyat təyyarəsi Türkiyənin, Suriyanın İdlib vilayəti ilə həmsərhəd ərazidə yerləşən Antakya rayonunun Hatay aerodromunda eniş edib.
Virtualaz.org bildirir ki, bu barədə lenta.ru xəbər yayıb.
Rusiya təyyarəsinin Türkiyənin məhz bu rayonuna gəlişinin məqsədi, İdlib üzərində vurulmuş "Su-25” təyyarəsi ilə bağlı olduğu bildirilir.
Xatırladaq ki, Rusiya Müdafiə Nazirliyinin "Su-25" təyyarəsi Suriyada fevralın 3-də vurulub. Pilot katapult etsə də, silahlılar tərəfindən öldürülüb.
Pilotun katapult etdiyi ərazi Rusiyada qadağan olunmuş "Cəbhət ən Nüsrə” qruplaşmasının nəzarətində olub və insidentə görə məsuliyyəti də o öz üzərinə götürüb.

Xəbərdən istifadə edərkən istinad etmək vacibdir.