"Macarıstan və Azərbaycan strateji tərəfdaşdır və iki ölkə arasında çox sıx əlaqələr var".
Bu sözləri Macarıstanın Azərbaycandakı səfiri Viktor Sederkenyi deyib. O bildirib ki, iki ölkə arasında hökumətlərarası komissiyanın növbəti iclası bu il Macarıstanda keçiriləcək: "Bu tədbir ehtimal ki, ilin ikinci yarısında olacaq. Çünki hər iki ölkədə apreldə seçkilər keçiriləcək".
Səfir qeyd edib ki, ötən il Macarıstandan Aəzrbaycana ixracın həcmi 12 faiz artıb, lakin Azərbaycanın ixracı çox böyük deyil: "Biz bu rəqəmlərin artmasında maraqlıyıq. Macarıstan Azərbaycan məhsullarını almağa hazırdır". (APA)
Xəbərdən istifadə edərkən istinad etmək vacibdir.
