Millət vəkilləri Qənirə Paşayeva, Sona Əliyeva, Azərbaycan Dərnəkləri Federasiyasının (TADEF) rəhbəri Bilal Dündar və Sakarya təmsilçisi Aqil Bağırovun iştirak etdiyi görüşdə Dağlıq Qarabağ problemi, Xocalı soyqırımı, qondarma erməni soyqırımı iddiaları ilə bağlı da fikir mübadiləsi aparılıb.
Q.Paşayeva yaxın zamanlarda Qarasuda mərkəzi parklardan birinə Qarabağ adının veriləcəyinə, abidənin qoyulacağına inandığını deyib, təkliflərlə çıxış edib.
Azərbaycanı çox sevdiyini deyən Qarasu bələdiyyə başçısı Azərbaycanla bütün istiqamətlərdə əməkdaşlığın inkişafına xüsusi önəm verdiyini deyib. O, qardaş bələdiyyələr məsələsi ilə bağlı addımlar atılacağını və millət vəkilinin təkliflərini müsbət qiymətləndirdiyini bildirib.
Görüş zamanı Qarasu bələdiyyəsi, Q.Paşayevanın rəhbərlik etdiyi Avrasiya Beynəlxalq Araşdırmalar İnstitutu İB, Bilal Dündarın rəhbərlik etdiyi Azərbaycan Dərnəkləri Federasiyası (TADEF) və onun Sakarya təmsilçiliyi arasında protokol imzalanıb.
Protokola əsaasən, Qarasuda yaxın günlərdə Qarabağ parkı və Azərbaycan prospektinin açılışı olacaq.

 

 

Xəbərdən istifadə edərkən istinad etmək vacibdir.