Türkiyə prezidenti Rəcəb Tayyib Ərdoğan fransalı həmkarı Emmanuel Makronla telefonla danışıb.
İkili Suriyadakı son hadisələri müzakirə edib və atəşkəsin tezliklə elan olunmasına diqqəti yönəldib.
Azad Suriya Ordusu ilə birgə həyata keçirdikləri "Zeytun budağı” hərəkatı haqda həmkarına məlumat verən Ərdoğan Afrinin terrorçu ünsürlərdən təmizlənməsi ilə qaçqınların Suriyaya geri qayıdacağını bildirib. Həmçinin, müharibə bölgələrində dinc sakinlərin zərər görməməsi üçün ordunun lazımi tədbirləri gördüyünü qeyd edib.
Telefon görüşməsində Suriyadakı vəziyyətlə əlaqədar BMT-nin Təhlükəsizlik Şurasına atəşkəslə bağlı müraciət ediləcəyi qərarına gəlinib.(Publika)

Xəbərdən istifadə edərkən istinad etmək vacibdir.